Cognon che si cjate in Lombardie e in provincie di Novara che al è la trasformazion in cognon dal non personâl di divignince gjermaniche Airòldo o Aròldo, atestât in Italie, là che al fo puartât dai Langobarts e po dai Francs, de alte Ete di Mieç: Arioald al fo re dai Langobarts dal 626 al 636, Airold vescul di Feltre e Belum tal secul VIII (De Felice, 1978). Tal Schedari Corgnali: 1248 Ayroldo d.ni Mathei a Siest (Diplomatarium Portusn.). Tal 1650 o cjatìn a Udin un sig. Pietro Airoldi da Bergamo (Biasutti). Presint a Tor di Zuin.