Diminutîf dal non di persone Andrea cul sufìs, plui frecuent tal passât, –ùs. Par aferesi al à creât il cognon Dreussi. Al è un cognon tipic di Dartigne (1590 Leonardus Andriussius de Artegna) e di Osôf (nel 1621 a Osôf contractum fuit matrimonium inter Petri Andreussium et Elenam rel. q. Danielis à Fabro). Presint ancje a Udin. Tal Schedari Biasutti o cjatìn che i Andreussi/Andreusso/Andriussi/Andreuzzi dal Cuatricent indenant a son presints in numar alt a Resiute e a Mueç: 1470 Andriussio f. q. Franz di Moggio oste in Resiutta; 1533 Andreusso Ser Paolo notaio di Resiutta abita a Udine; 1544 Ser Giovanni Leonardo q. Ser Pietro Driussi da Resiutta; 1561 Andriussi (o Driussi) Ser Pietro di Resiutta teste in S. Daniele; 1575 Andreussi Ser Pietro q. Ser Giovanni di Resiutta cittadino di S. Daniele; 1577 Andriussi Bernardino q. Sig. Giovanni di Resiutta cancelliere dell’abbazia di Moggio. Tal secul XVII Notaio Bernardino Andriussi della Comunità Travisiae al compile un manuscrit cun documents, diplomis, privileçs e confins de Badie di Mueç dal 1072 al 1601 (ASU Perusini 392). Dal Sîscent indenant i Andreussi a risultin nobii a Udin e a San Denêl (1670 Andreussi dott. Nob. Pietro medico fisico di S. Daniele). A Dartigne al è un borc clamât Driùs (Andreussi in IGM, Andreuzzi tes mapis catasticâls, Borgo Andriusso e Borgo Andriussi tal Catastic napoleonic, Andreùz tal Schedari Corgnali) a Nord Est dal cjâf lûc, da pît dal Faêt, dut di cjasis rurâls di fate arcaiche; i dà non ancje a une strade comunâl te stesse zone. Mancul cognossût l’omonim aratori cenglât di vîts a Nord di Dartigne, fra Aplie e Salt. Tal borc a son a stâ fameis clamadis Andreussi; tal comun al è cognossût ancje il cognon Driussi (Desinan, 1972). 1792 Ser Dom.co q. Gio. Batta Andriusso, del Consiglio dei XII della Pia Congreg. delle Anime del Purgatorio d’Artegna (ASU CRS 10/1). Altris atestazions a Osôf: 1695 don Zuane Andriusso di Pietro da Osoppo nato a Peonis nel 1673 – il padre Pietro Del Fabro detto Andriusso gli fa patrim. eccl. – studiava sotto don Pietro Venturini in Osoppo (Patrimoni); 1788, ai 2 di Mai Sig. Giuseppe Andreussi q. Gaspare q. Gius. e di Colomba q. Gio. Batta Venturini nato nel 1763 a Osoppo – vertenza con Orsola di Geminiano Pellegrini che lui non vuole più sposare – Lui asseriva di essere stato violentato alla promessa (AB).