Formât suntun non di persone “dopli": Antoni Jacum. Chest cognon al è carateristic di For Disore, là che il non Jacum, te variante furlane locâl, al sune Jàcam. Inte stesse biele localitât si pues viodi, a Vîc, la glesie di San Jàcam cul puarti tipic. Te liste des fameis che, dal 1492, a jerin a stâ intal Comun di For Disore, a jerin ancje Pieri e Domeni quondam Antoni Jacomi; intal Schedari Biasutti o cjatìn: 1494 Dominicus q. Antonius Iacobi da Forni di Sopra – Andrazza; 1646 Nicolò Anton Iacomo da Forni di Sopra notaio; 1651 Antoniacomo Marcantonio gastaldo dei conti Savorgnano del Monte in Forni di Sopra. Intal 1940, simpri a For Disore, a jerin 42 fameis cun chest cognon (Quarina, 1940). Al è presint ancje a Udin.