Cognon avonde frecuent a Cordenons, ma ancje in cualchi aree dal Venit (par esempli, a Conean). Par Cordenons: “gli Ancillotto, proprietari terrieri veneti che possedevano i terreni attualmente noti come Ansilòti, vi insediarono come coloni i membri della famiglia Barro " (Resultùns, 1985). Al podarès vê la sô origjin, duncje, inte peraule venite baro o ben "bâr" (toc di tiere cun jerbe, che si distache dal nembri) che al pues vê dât ancje microtoponims. O pûr al pues vignî dal non di persone Baro, forme laterâl di Barone (viodi Barón). Presint a Tor di Zuin, Udin e Puart. Tal 1916 il Soldât Antonio Barro dal reziment 27 di Fantarie “Pavia", nassût a Cordenons tal 1883, al mûr a Vertoibe, te Prime vuere mondiâl (Ongaro-Piccolo, 2005).