Al è probabil che al sedi il diminutîf dal non di persone Boso, ma al somearès documentât ancje Buso (viodi), di divignince gjermaniche, doprât te Ete di Mieç. Cussì, si à ser busulin di bruri (= Buri) e un Busolino a Cividât, une Margarita olim Iacobi Busolini a Udin, ducj tal secul XIV.
De Stefani 2003 al sugjerìs la ipotesi che al puedi jessi il derivât di une forme diminutive di Jacobo, variante di "Giacomo": in pratiche, la forme aferetiche di Jacobus(s)ul. Per poiâ cheste ipotesi, nus volarès cualchi forme scrite Bussul (o Buzzul in relazion cun Buzzi di Jacobuzzi): le vin cjatade tal Schedari Biasutti pai Busolini di Fusee: 1769 Giovanni di Osvaldo q. Giovanni q. Pietro q. Gregorio Buzzolini (o Bussolinis) da Fusea sposa Maria Lena di Caterina Buzzolini (ma e jere de Busolinis tal 1550 e de Busulins tal 1587).
Tal Schedari Corgnali: 1341 d.no Leonardus dictus Busulinus de Mels; 1360 Margarita relicta olim Iacobi Busulini a Udin; 1517 Grivor et Piero de Busulins a Fusee.
La forme Busolìn e je te frazion di San Zorç di San Michêl (e tal Venit).
Busolini al è carateristic di Puriessin tal comun di Cividât; culì tal 1577 si à Domenego cocian detto Busolin, tal 1580 Dominicum Busolinum, tal 1581 Mathia Busulin de Puriessim, tal 1583 Domenego Cocian ò vero Busolin, tal 1600 Domenico Cocian detto Busolin: par chestis atestazions nol è di escludi che il cognon Busolini al vegni dal cognon Cocian, deventât dopo Coceàno. Un altri "nît" di Busolini al è a Fusee tal comun di Tumieç. Al è presint ancje a Udin, Gurize, Martignà, Tavagnà, Pasian di Prât.
fonts
1323, ai 14 di Avrîl Giovanni Busolino già da Firenze abit. in Udine borgo superiore (Osp. 190); 1540, ai 15 di Mai Enrico Busolino q. Gio. de Busilins da Fusea (ANU 3915); 1543 m.° Enrico Busolini q. m.° Gio. de Busilinis di Fusea tessitore in S. Daniele (ANU 3908); 1600 Eredi q. Nicolò Busulins di Fusea, fittuale Fraterna di S. Michele di Casanova (ASU CRS 41); 1615, ai 20 di Març Andrea q. Simone Busolini di Fusea abit. in S. Daniele (ANU 3940); 1700 Gasparo Busolins di Fusea debitore Venturini di Fielis (ASU Gortani I part doc. 8.123); 1708 Dom.co figliolo di Gioseffo Bosolini di Purgessimo, teste in Orsaria (ASU CRS 301/1); 1721 Ser Pietro Busulins detto Battello di Fusea in Cargna, fittuale sopra una Casa dei nobb. Zucco (ASU Zucco 27); 1734 Ser Zuanne Busulino di Cargna ora habit. in Udine Borgo Gemona, teste in Plaino (ASU CRS 350/1); 1748, ai 6 di Lui don Pietro Busolini del Sig. Gregorio da Fusea – il padre gli fa patrim. eccl. (Patrimonis), tal 1770, ai 20 di Març mons. Pietro nominato can. penitenziere Metropolitana (Filze), tal 1779, ai 20 di Setembar eletto provicario gener. (Filze), tal 1780 religiosissimo lo si accusa di troppa severità – si deplora che sia stato dato a lui pieno potere in materia di confessioni e di approvaz. di confessori (AB), tal 1788 sua morte (AB); 1748, ai 16 di Avost don Gio. Batta Busolino di Sebast. da Purgessimo – il padre e gli zii mat. Sigg. Gio. Batta e Lorenzo Zamparo q. Simone di Carraria gli fanno patrim. eccl. (Patrimonis); 1755, ai 10 di Fevrâr Busulins don Pietro – patente confessore in Tolmezzo (Registrum Confessarium); 1815 nasce a Sacile Barbara Busulini figlia di Paolo, linarolo (A.P. Sacîl).