Forsit al ven di un sorenon che al à a ce fâ cul venezian calìgo “fumate, fumatâr" e Boerio al ripuarte ancje la espression filàr caligo “cavilâ". Battista Fignon, tal Boletin parochiâl di Montreâl dal Lui dal 1996 al dîs che “il non Caligo al riclame tal so significât etimologjic la profession dal cjaliâr" e duncje, al assimile chest cognon a Calligaro, Calligaris, Cagliàri e simii (cheste altre ipotesi nus pâr plui pussibile). Cognon di Montreâl: tal 1577 al jere camerari de Fradese di Griz Biagio Calligo (…nota che ho lasa a Biaxio de Chaligo formento quartali 2 chel die far in pan per aniversario de la Beta de Salvador); si lu cjate a Pordenon. Tal 1682 Ser Gio. Antonio q. Ser Steffano Caligo da Montereale (Biasutti).