Non di mistîr: il caporale al jere il vuardian di un grup di lavôr (Coretti, 1989) e il caporâl di strade al jere une vuardie stradâl (NP). Par Rapelli 1995 al ven di un sorenon fat cu la vôs "caporale", che par antîc al voleve dî "comandant, cjâf, ancje di un partît, di une fazion".
Une Maria Danielis vulgo Caporale e je tai regjistris parochiâi di Sante Marie la Lungje tai agns Setante dal Votcent.
La forme Caporàl si le cjate a Davian; Caporale a Muimans, Remanzâs, Premarià, Cividât (culì Casa Caporale -IGM), Udin, Torean.
Acqua del Caporal al è un toponim tal comun di Barcis (IGM).
fonts
1646, ai 23 di Mai Gerolamo Caporali macellaio, della vicinia di borgo Prachiuso (Masutti 1991); 1791 Gio. Batta di Giac. Caporal Cacitti, fittuale Fraterna S. Michele di Casanova (ASU CRS 41); 1792 Battista Caporal della Fraterna S. Valent. di S. Vito (ASU CRS 454/4); 1816 Pietro Caporal di Osvaldo nato in Belgrado nel 1796, sposa Maria Masulin di Romans di Varmo (A.P. Musclêt); 1817 Teresa Caporale di Giuseppe nata in Rubignaco nel 1792, sposa Leonardo Quendolo di Franc. di Sanguarzo (A.P. Cividât-S. Pieri); 1860 dott. Antonio Caporali intendente in Udine della Regia Finanza (AB).
A Udin e je une strade di cjamp clamade vie dai Caporâi.