Il cognon Cédermas o Cédarmas e, plui di râr, ancje Cédermaz o Cédarmaz ai prins dal Sîscent si lu cjatave massime tes localitâts di Pean, Arbeç e Ponteà (1602 Pieter Cedermas a Pegliano; 1612 Antonio Chedermas de Rebez; 1612 filius Josephi Cedermas de Ponteia). Di culì si è difondût tai paîs dulintor e po te plane. Vuê lu cjatìn a Ponteà, 'Sapatoc, Stupize, Loc di Pulfar, Cicigulis, Lasis e in altris paîs dal Cjanâl dal Nadison; il so ricuartsi è mantignût a Pean tal toponim Cédermas. La forme origjinarie e jere Cédermas, deventade po dopo Cédarmas; la forme Cédermaz o Cédarmaz (cu la -z finâl) si è vude par vie di un fal di comprension e di trascrizion fat dal plevan di San Pieri, te seconde metât dal Sîscent. La spiegazion di chest cognon e je pardabon dificile. Par gno cont, o crôt che al vedi a ce fâ cu la realtât locâl, storiche o ambientâl. Par rivâ a dî alc di acetabil si varès di studiâ e indagâ ancjemò plui a font la storie, la lenghe e la toponomastiche dal teritori. (Zuanella, Dom, 7, 1998).