Cognon venit (massime di Vicence) presint a Cividât e a Udin. Al ven di un non fat sul venit zéra “cere", par dî di un produtôr o di un marcjadant di cere. Al è di escludi che al vegni di cera tal sens di “aspiet de muse", parcè che par antîc il leme talian al jere ciera e il so corispetîf venit che al ven de vôs taliane antighe al jere ziéra (Rapelli, 1995). Tal 1800 Sig. Leonardo Cera fitt. in Remanzacco (ASU Della Torre/B 29.1).

Al è a Gurize pe italianizazion di ete fassiste di Kerpan.

Come Céra (viodi), cu la zonte dal tipic sufìs cognominâl venit -àto. Par Rapelli 1995 al ven de Valdastico (VI) e lis formis plui antighis a son Cera, Ceràto, Ceràti. Al è plui presint a Enego (VI), avonde a Padue, Vignesie, Vicence, Valdagno (VI), Verone. Te nestre regjon al è a Tresesin. Tal Schedari Corgnali: 1356 çerat de Greçano a Udin.