Par De Felice 1978 al podarès vignî di un toponim fat di cerro, che e je une cualitât di rôl (Quercus cerris) o pûr di cirro, che in cualchi regjon al ven dal latin cirrus “çuf di cjavei, bocul". Rapelli 1995 al propon, almancul pal Cerutti che al è tal Venit (ma ancjemò plui slargjât te zone di Bressie), une divignince dal non di persone ben documentât tal Venit medievâl: Cerudus e Cerrudus a Verone e a Padue tal secul XI, Cerudello a Verone tal Dusinte. Si poie suntun sorenon che al ven dal latin tart cerutus “persone strambe, scjaldinose, capriçose".
Al è presint a Udin.
fonts
1455, ai 27 di Avost Ser Giacomo Ceruti f. di Ser Bartolomeo di Fontaneto Vercelli teste in Sesto al Reghena (ANU 3888); 1694, ai 20 di Març Teodora Cerutti – priva del padre assente e orfana di madre, accolta tra Donzelle Osp. Udine per raccomandaz. del Patriarca mons. Daniele Delfino (Osp. 300); 1836 muore a 67 anni don Francesco Cerruti segretario del Vescovo Mons. Lodi in Udine – nativo di Andorno diocesi di Biella figlio di Stefano e Anna Maria Selleri – sepolto tumulo sacerdoti Cimitero (Regjistri dai Muarts dal Domo di Udin).