Cjap al vûl dî "trop di uciei" e duncje al po stâi che cjapulìn al volès dî "uciel" o forsit al jere il non di un uciel. E ser Gerolamo Chiapolino, di Curnin, o sedi, un curniglàt, ae fin dal Sîscent, al à metût un uciel tal so sigjil di nodâr. Nol è di escludi un diminutîf di cjapón.
Il cognon al è cognossût, simpri a Curnin, fin dal 1415 cun Culau fi di Laurinz Chiapulin.
La forme Chiapolini si le cjate a Osôf (1684 Lucia figlia di ms. Valentino Chiapolino); la forme Chiapolino, in plui che a Curnin, tal comun di Forgjarie, si lu cjate ancje a Sudri, Tumieç, Udin.
fonts
1321 çapulino d.ni Lippi de Senis a Cividât (Corgnali); 1384 Bartol. tessitore in Udine in Cramaris q. Chiapulin di Nogaredo Corno (ACR 745/3); 1458, ai 25 di Lui Ant. Chiapolino teste sulla festa di Cavazzo (nodâr Dan. Ermacora); 1475 q. Jacobi Chiapulini de Curnins (Corgnali); 1604 Ser Francesco q. Dom. q. Andrea Chiappellino (ancje Chiapolino) da Cornino (ANU 3933); 1622 muore Sabata di Giacomo Chiapolino di Osoppo (AB); 1672 Donna Laura moglie di m.° Domenego Chiapolino di Osoppo, cede beni alla Fraterna Anime Purgatorio (ASU CRS 302/1); 1683 Gio. Maria Chiapolino di Cornino, fittuale (ASU CRS 209); 1690, ai 29 di Novembar i Sigg. Tomaso e Feder. di Castello di S. Daniele affittano terra in Pignano a Andrea di Lor. Chiapolino (ACR 432/6); 1697 Biasio Chiappolino di Cornino, debitore di locazione alla Fraterna di Sant’Antonio da Padova, del “tratto dell’Asino Sopra la Monte” (ASU CRS 209); 1697 Antonio q. Daniello Chiapolino, cameraro Fraterna di Sant’Antonio da Padova di Cornino (ASU CRS 209); 1738 Gio. Batta Chiapolino q. m.° Antonio abit. sopra la Marsura nell’osteria Alpruzzi – cameraro Confr. Rosario Savorgnano Torre (ACR 464/1); 1801 Ser Antonio Chiapolino di Udine cameraro Confr. S. Agostino nella chiesa S. Lucia (ACR 532/4); 1938 Chiapolino 20 fameis tal comun di Sudri (Corgnali).