Al po stâi che e sedi une alterazion dal non Giacomo: di Giacomìn si pues vê par aferesi Comìn (e il cognon Comìno). Di Comìn, cu la zonte dal sufìs -àz(zo), cuntun valôr di dispresi, si oten Cominàz(zo). La -o-, cence acent, e pues jessi deventade -i- e cussì o vin Chiminazzo. Par Rapelli 1995 al ven dal venit e trentin Jàchemo “Jacum", documentât a Pergine tant che Iàchem. Al è a Rivignan (e tal Venit, massime a Cassola di Vicence).