Tu âs cirût la peraule
bilengâl monolengâl cognons
Tu âs cirût la peraule
Clap
torne indaûr

bilengâl

Clap n.p.m.
  • 1

    n.p.m. Clap Copie

    toponim (borc in comun di Faedis)

locuzions

    Creton di Clap Grande
  • Creton di Clap GrantCopie
    oronim (mont a Sud di Sapade)

monolengâl

clap s.m.
Toc di piere avonde piçul
sinonims
balot, cogul, concul, slavare, piere, cret
esemplis
"mah, mi pareve che al fos cualchidun che al tiràs claps tai scurets, ma no si viôt nissun"
gjavât fûr di "Il muc" di Roberto Ongaro
"la aghe subit in bande si rondole jù cjantant pai claps"
gjavât fûr di "Il mulin" di Dino Virgili
clap s.m.
Toc di piere no tant piçul, tant di jessi doprât par esempli, tant che materiâl di costruzion, se al ven doprât insiemi cun "piere" al pues segnâ tocs un pôc plui piçui o mancul preseâts o mancul lavorâts
sinonims
cret, piere
esemplis
"une cjasute di clap di pît sù cun trê scjalins di piere, il fogolâr e une Madone piturade sul mûr"
gjavât fûr di "Come tai romançs" di Alan Brusini
"ducj i claps, ducj i claps di chê muraie / jo ninine ju ai contâts / a son mil tresinte cuindis / se no ai dismenteât "
gjavât fûr di "" di Popolâr
"Guri al cjale il mûr gnûf: claps grancj, claps piçui, modon, e tai jenfris, scais cu la malte"
gjavât fûr di "La aghe da pît la cleve" di Dino Virgili
clap s.m.
Materiâl minerâl
sinonims
piere, cret
esemplis
"di laudâ no vuei cjapâmi l'impegn, parcè che o soi persuadût che a nol sedi di dî ben altri che di me e de mê famee di clap [lis statuis di place Contarene]"
gjavât fûr di "Florean dal Palaç, I, 1" di Guido Antonioli
"un lastron di clap ben scuadrât"
gjavât fûr di "Lis leiendis di Buie" di Pieri Menis
clap s.m.
Spice di cret, massime tai toponims
sinonims
cret, crete
esemplis
"il Clap dal Agnel al è un spiç di dolomie di etât noriche, di plui di 200 milions di agns indaûr"
clap s.m.
Toc di piere, in câs ancje segnât di scritis, doprât par segnâ un confin
sinonims
tiermin
esemplis
"Diu nus vuardi a tocjâ i claps tai cjantons dal cjamp, al è come robâ"
"[insom dal paîs] sot il ferâl al jere il clap cul non di Rivuinis di sù"
gjavât fûr di "La aghe da pît la cleve" di Dino Virgili
clap s.m.
Lastre di piere che e segne une tombe
sinonims
lapide, tombâl
esemplis
"la glesie e je adalt de crete [...] e il cimitieri in bande cul ristiel sierât dongje, e la jerbe sul prât che e tapone i claps e i nons"
gjavât fûr di "In scolte..." di Dino Virgili
clap s.m.
[CO] (med.) Concrezion cristaline di sâi minerâi o di materiâl organic che si forme in cierts orghins
sinonims
calcul, piere, renele
esemplis
"un an pre Pitin al jere tal Ospedâl di Udin, cui claps intal fiât"
gjavât fûr di "Pre Pitin" di Antoni Beline
detulis
"clap che si môf nol fâs muscli"
"di un clap si vuardisi ma di une malelenghe no"
"gote spesse e fore il clap"
"il clap al è fûr e il diaul al è daûr"
"il clap che nol fâs muscli al è un mâl clap"
"il mat al bute il clap tal poç e il savi al scuen gjavâlu"
"il traditôr al trai il clap e al scuint la man"
"la cjase dai contents e je ancjemò di fâ, e no cjatin claps di fabricâ"
"miôr il clap che no la buse"
"no mai fâ un mûr se si viôt un clap cu la ponte infûr"
torne sù

cognons

Clapis, Clappis
Al podarès jessi come Clapiz (viodi), o pûr dal furlan clape (ognidune des dôs parts dal cûl). Al è presint a Monfalcon.
fonts
Tal 1819 Michiele Clapis di Gio. Batta d’anni 34 murero da Muzzana, sposa Sabbata Peressuti o Perazzo figlia di Vitale Dondo di anni 36 da Muzzana (A.P. Muçane).
Clapiz
Al podarès vignî dal non di persone sloven Hlap o de peraule slovene hlapec “famei, garzon" (Frau, 1991). Tal 1348 ab alio latere est quedam androna publica per quam itur ad furnum Clapizi fornatoris (Della Porta 1991, 227 For); tal 1439 a Udin ser Matio del Clapic (Vicario, 2001, b). In OT 95 Danielis del Clapici. Si lu cjate a Vençon, Tumieç, Vile di Cjargne, Cividât, Paparian di Flumisel, Roncjis di Monfalcon.
fonts
1321 Martino d.° Clapiz abit. Tarcento (ANU 2225); 1395 Gio. Clapiceo (o Clapiz) era giurato di S. Maria la Longa (AB); 1397 Pellipario Mattia Clapiz q. Giacomo notaio di Udine (ASU): a Udin, chest al è il prin di cuatri nodârs di non Clapiz, l'ultin al à finît di lavorâ tal 1541; 1421 m.° Giacomo Clapiz da Udine era pellicciaio (AB); 1442 Ser Matteo del Clapiz notaio Udine abitava in contrada del Fien (AB); 1481 Giacomo Clapiz notaio Udine abit. in Pellavillan (AB); 1552, ai 24 di Jugn Ser Tomaso del Conte sarto in Udine Mercatonuovo q. m.° Leon. Clapiz da Venzone eletto cameraro Osp. Udine (Osp. 293); 1562, ai 8 di Novembar in società con Ser Gio. Batta Clapiz q. D.no Matteo (ACR Iura frat. SS. 86); 1594, ai 22 di Lui dott. Giacomo Clapiz di Udine accusato di eresia (ACAU – Inq. pr. 245); 1653 Zuanne Clapiz q. Valent. d.° Tinello da Piloverno (Biasutti: Plover) abit. in Venzone (ACR 839/2); 1664 Battista Clapiz di Pluerno, paga Legato in Venzone (ASU CRS 839); 1708, ai 9 di Avost nob. dott. Tomaso Sticotti di Franc. di Amaro anni 31 governatore di Moggio abit. a Tolmezzo – Caterina ved. q. co. Michele Clapich anni 25 vuol essere sposata da lui dal quale un figlio ora di 18 mesi (Filze); 1718 Zuanne Clapiz come erede della q. Zanetta Tonusa, debitore della Fraterna del SS.mo Sacr. di Portis (ASU Perusini 127); 1735 Francesca figlia di Paola Zamolo e di Leonardo Clapiz q. Silvestro q. Leonardo da Portis sposa Andrea di Zuanne Zamolo (Filze); 1775 Elisabetta Clapiz serva e Anna Partoressa, anime di Terza Classe del Castello di Colloredo (ASU Perusini 691.10);1874 Sig. Gio. Batta Clapitz oste in Costapelosa (ASU Perusini 58).
torne sù