Clève, o Clèva, al vûl dî "rive, cleve di une mont" e duncje il cognon al vignarà di un microtoponim.
Al è carateristic di Pesariis (comun di Prât di Cjargne), dulà che al è documentât fin dal secul XV: 1426 Joanne filio Pauli de Cleva; 1467 Joannes de Cleva; e vie indevant (A. Roia).
Si lu cjate ancje a Tramonç Disot (massime a Cjampon) dulà che al è documentât almancul dal 1521 cuant che Pietro Cleva al lassà ae glesie di Sante Marie une tele grise par fâ dôs messis tal so inovâl (Luchini, 1997). Al è difondût fin in Istrie.
Tal Schedari Corgnali: Cleva=cognon antîc a Pradumbli di Prât di Cjargne; 1275 Fedriotti de Cleva a Soclêf; 1296 Odoricus de Cleva de Valereano; 1517 Colau de Cleva a Soclef; 1524 Antonium de Cleva de Osaiis; 1930 Cleva 11 fameis a Tramonç Disot; 1938 Cleva 28 fameis tal teritori di Prât di Cjargne che di chestis 20 dome a Pesariis.
fonts
1522, ai 29 di Març Stefano de Cleva da Pesariis compra biade a credito da Ser Alovisio Salla di S. Daniele (ANU 3901); 1542, ai 17 di Zenâr Sualt Rosso q. Nardino di Cleva da Pesaries deve £ 48 a Ser Giac. Portunerio di S. Daniele (ANU 3908); 1570, ai 30 di Dicembar pre Francesco di Cleva (clamât di altris bandis Caligariis) da Sostasio curato di Comeglians (AB); 1615, ai 7 di Jugn don Gio. Batta De Cleva di Gio. q. ser Nicolò di Mieli e Maddalena q. Pietro Monch da Comeglians nato nel 1591 – certificato per ordini sacri (Filze); 1701 Nicolò q. Lorenzo Cleva, fittuali Confr. di S. Valent. di Osais (ASU CRS 302); 1720 Domenica Moglie di Sebast. di Cleva di Sostas, consorella della Fraterna della Centura di Tolmezzo (ASU CRS 522); 1720 Maddalena di Natale q. Giac. Puntil da Prato Carnico sposa Gio. Batta q. Pietro Cleva (Filze); 1730 Zuane di Giac. Cleva da Pesariis sposa Orsola di Giuseppe Gonano pure da Pesariis (Filze); 1741 Testam. di m.° Nicolò di Leonardo Chleva di Pesaris (ASU CRS 350); 1765 In Buje Istrie nella Casa Solita habitacione del Sig. Franc. Cleva q. Zuane... (ASU Perusini 242); 1812 Giorgio e Franc. Cleva fù Franc. della Podestaria di Buje, Regno d’Italia (ASU Perusini 242).
toponim (borc in comun di Tramonç Disot)