Al è un cognon tipic de Sicilie che si cjate a Muçane: culì al è rivât di Messine tai agns Ottante dal secul passât. Par Caracausi 1993, 476 al sarès il diminutîf di Cucina, che al è a sô volte il feminin di Cucino: chest, pluitost che vignî dal sicilian cucinu “cusin", al varès di jessi il diminutîf ipocoristic di formis in -cucius, su la fate dal toscan antîc Beccucius, Falcucius, e vie indenant.