Diminutîf di cuc che al pues volê dî propit l’uciel “cuc” (viodi Cuch), ma ancje “grignel”. Zuanella (Dom, 4, 1997) al riferìs che al jere un cognon tipic di Lasis, tal comun di Pulfar (1614 Piri Chucut de Lasa; 1620 Piero Cucut de Lasiz) dulà che si è distudât ae fin dal Sietcent. Par chest autôr, al jere probabil che al vignìs di une aree furlanofone e dal Libri dai matrimonis di San Pieri dai Sclavons, al rigjave la presince di chest cognon a Cuar di Rosacis tal Sîscent (1622 Vicenius Cucut de Quar sub parochia rosacensi). Tal 1592 Cornelio Cucut da Cividale, si vuole provare la sua morte quale soldato a Candia perché la moglie Lucrezia Coronini possa risposarsi (Biasutti). Tal 1342 roncum Matie Cucutin a Spilimberc. Cumò si lu cjate a Cormons, Manzan, Roncjis di Monfalcon.