Al ven cun probabilitât di alt "alto"; al po stâi, duncje, che al vedi indicât cualchidun che al jere a stâ "adalt" a pet dal paîs (viodi Dapit, Di Sopra, ecc.). Par Dal Cin (Susegana e i suoi cognomi, s. d.) di un sorenon che al segnalave la divignince di Toedalto, non di dôs localitâts in provincie di Trevîs. Cognon difondût massime tes provinciis di Trevîs (Vittorio Veneto, Conean, Cappella Maggiore); inte nestre regjon si lu cjate a Bagnarie, Pordenon e Sacîl.