Al è evident che al derive di un microtoponim che al indicave un pont di aghe (come Fontana, Fontanelli, Fontanini, e v.i.). Facil che chest cognon si sedi formât in mût autonom in diviersis localitâts. Al è sigûr, però, che tancj Da Pozzo a son di origjin cjargnele, parcè che dongje di une presince di chest cognon a Verzegnis, inmô buine in dì di vuê (tal 1606 a Intissàns Lonardo da Poz, Andrea da Poz, Piero da Poz), o vin di ricuardâ che “un Giacomo Da Pozzo q. Giovanni di Cludinico (cumò in comun di Davâr), nel 1419, a Comegliàns, è compreso fra’ testimoni a un contratto, poscia nel 1423 è accasato a Tolmezzo"; e plui indevant so fi Nicolò tal 1447 al jere a stâ a Davâr… (Gortani, 1898). Il stes autôr nus ricuarde che a Povolâr (cumò in comun di Comelians) “Da un Romano di Qual, vissuto sulla fine del XIV secolo, nacque Leonardo (1449) i di cui figli assunsero l’appellativo da Pozzo e furono Daniele rimasto a Povolaro, e Giacomo trasferitosi a Rigolato". Si lu cjate ancje a Ravasclêt, Tumieç, Udin, Pordenon. Viodi Dal Poz.