Poz al sta par “poç" e, in principi, si sarà riferît a une persone che e jere a stâ dongje di un poç. Nol veve di jessi un câs râr parcè che cuasi ducj i paisuts a vevin un poç che al jere un pont di alimentazion idriche, ma ancje di agregazion sociâl. Cussì tal Cjanâl Pedarç a son nomenâts i erêts q. Antoni de Puteo (A. Roia), là che Puteo e je la traduzion dal furlan Poz. Cognon presint a Pordenon (rapresentât ancje in Emilie, Lombardie e Venit). Tal 1553 Paride Dal Pozzo notaio di Venzone (ASU).