In mancjance di provis di archivi o podìn dome formulâ ipotesis. La finâl -ùs(si) e pant dut câs un diminutîf antîc o diminutîf cjarinatîf. E podarès jessi une forme contrate di Danelùs, di Danêl / Denêl, “Daniele" par talian. La prime part Dan- e podarès ancje jessi la forme aferetiche di un non di persone (Loredano, Giordano). No nus somee masse probabile une derivazion dal non antîc di persone Danio, documentât a Bologne tal secul XII (Rapelli, 1995), dut câs simpri derivât di Danièle, ma che di chel no vin cjatât documentazions inte nestre regjon. Dome se al fos provât che chest cognon al ven di areis furlanis o venitis li che il z sonôr si pronunzie dh si podarès ipotizâ una identificazion cun Zanussi (viodi Danìn). Cognon presint a Cjamin dal Tiliment e a Codroip.