Dal venit fàvero “fari". Il furlan al veve lis formis fàvar e fàver dongje di chê plui comune fâri.
In ogni câs, chestis formis cognominâls a son slargjadis soredut in Venit (Fàvaro al è une vore presint a Vignesie). Inte aree che o vin studiât il cognon Fàvaro si lu cjate a Bevaçane, Bibion, Cjaurlis, Muçane, Pramaiôr, San Stin, Tei (Castellarin, 1989), ma ancje a Pordenon, Cjasarse, Gurize, Tor di Zuin, Sacîl, San Vît dal Tiliment.
La forme Fàvero si le cjate a Cjaurlis, Concuardie (Castellarin, 1989), Udin, Pordenon, Gurize, Monfalcon, Sacîl, Spilimberc.
fonts
1607 Ser Franc. Favero della Scola di S.ta Barbara di Palma (ASU CRS 313); 1639 in Marsure, in Casa di Ser Agostin del q. Giac. Favaro e Ser Ant. del q. Ser Lunardo Marsile, cognati (ASU CRS 277/1); 1735 Maria di Francesco q. Ant. q. Franc. q. Ant. Favero da Lorenzago sposa Olivier di Mattio Di Donà (Filze); 1780 Zuanne q. Gio. Battista Favero d’Artegna in Causa col comune (ASU Perusini 728.4); 1819 Lucia Favero di Antonio da Polcenigo, serva dom. in Sacile, sposa Giovanni Buset di Rugolo domiciliato in Sacile (A.P. Sacîl).