Cognon di Grau che al nas dal sorenon di une famee Forner za Benvegnù. Tai regjistris il non si lu cjate pe prime volte ai 3 di Otubar dal 1659, cuant che Mistro Piero Forner, nassût tal 1624, clamât Fidào e la sô femine Zuanna da Nona a batiin il fi Mattia che, di grant, al cjaparà sù il cognon Fidào. Prime di Mattia a jerin nassûts Andrea, Zuanne e Bernardin e ancje lôr, di grancj, a saran clamâts Fidào. Al vûl dî “persone fidade, che si pues fidâsi" (Scaramuzza, 2001).