Il cognon sloven Filípig / Filípič al è un patronimic, ven a stâi un cognon derivât dal non dal pari; in chest câs di Filip cu la formante slovene -ič (scrite -ig).
Al è un cognon tipic dal paisut di Topolò (1638 Andreae filipiht de Topolou, e vie indenant).
Di li, tal Sietcent, si è difondût te val di San Lenart e, po dopo, a Cividât e in altris localitâts furlanis. Al è presint di secui ancje a Prossenic (Taipane) (Zuanella, Dom, 19, 1987).
Viodi ancje Filippig.
fonts
1557 Emilcarem filium Mathia Philippig de Pressenico, in processo a Faedis (ASU Zucco 59); 1640 Valantino Filipig de Pressanich, fittuale alla Robedischia dei nobb. Zucco (ASU Zucco 73); 1650 Juvan, e Michele F.lli q. Valant. Filipig di Presanic, fittuali nobb. Zucco (ASU Zucco 27); 1659 Valentino Filipich de Prossenico, teste in Attimis (ASU CRS 15/1); 1718 Filippo q. Paolo Filipis detto Crapiz di Prosenicho, in Attimis (ASU CRS 13); 1877 Filipig a Gurize (Corgnali).