Al è probabil che al sedi il non di un mistîr che al ven dal verp venit fracàr (par furlan fracâ), o sedi “un che al fole, al turcle " (Soranzo, 1996). Par Rapelli 1995 al à ae fonde un sorenon venit fat a partî di *fracàro o *fracàr, che salacor al è corispuint a foladór “cualchidun che al sclice alc, massime cui che al presse lis telis tal fol". Cognon venit presint a Udin (frecuent a Villarazzo di Castelfranco Veneto in provincie di Trevîs e a Cerea in provincie di Verone).