Cognon carateristic di Valarian in comun di Pinçan (1671 quelli di Luch). Al podarès vignî di Luc, piçul centri abitât logât tal Cjanâl Pedarç, comun di Prât di Cjargne (1343 Leonardo de Luch a Davaste), ma o crodìn che al sedi plui adat il gjeneric lûc “braide fûr dal abitât, cun cjase pe racuelte" e ancje “stali". Di chest 'ndi son vignûts fûr plusôrs toponims, che des voltis a son jentrâts te toponomastiche uficiâl (par esempli a Buie Strade dal Luc, a Glemone Via dal Lûc). Viodi Luc.
No lassìn vie il fat che il cognon Lugano (viodi) e i nons di cjasade Lugan (par esempli a Buie) a vedin la stesse divignince.
fonts
1816 Valentino Lucco di Giacomo nato in Faugnacco nel 1768, ved. di Lucia Angeli, agricoltore, sposa Cornuda Liani di Felice nata in Martignacco nel 1786, contadina (A.P. Martignà); 1817 Cattarina Danelone di Giovanni da Martignacco, sposa Lucca Lucco, colono di Faugnacco, figlio di Giacomo da Nogaredo (A.P. Martignà).