Di une vôs di divignince todescje (in Gjermanie e in Austrie a son frecuents cognons come Meyer, Meier, Mayer) che e vûl dî “fatôr, aministradôr di un fonts agricul". Par antîc e stave ancje par “sindic". Dut câs la lenghe todescje e à cjapât sù cheste peraule dal latin maior.
Màier al è avonde difondût a Paluce; Màiero si cjate a Martignà (1589 Pietro Maÿero di Martignaco), Murùs, Pradaman, Codroip, Udin.
A Glemone tal 1549 Nadalitia Madalena filia d’Jacomo Mayer, tal 1594 Johannes Christophorus filius D.ni Odorici Mayer e cualchi batisim al regjistre Mayer Alemani (Tomat, 2001). In OT 107 Mayera uxor Petri Fortis de Monasteto.
fonts
1566, ai 8 di Mai Gio. Giorgio Mayer abitava in Gemona “in Fontico Alemannorum” (Filze); 1618 Cristoforo Maiero notaio da Gemona (ASU); 1644, ai 16 di Zenâr nob. Cristoforo Mayer da Villacco – licenza messa quotidiana nell’oratorio domestico per sua moglie finchè non potrà uscire (Patriarcalis); 1665 Giuseppe Maiero (o Maier) notaio e cancelliere di Gemona (AB); 1682 Francesco Majer di Gio. Batta da Martignacco – muratore (AB); 1699, ai 6 di Mai Andrea Maier da Ulma – da luterano si fa cattolico (ACAU – Inq. pr. 656); 1778, ai 2 di Jugn don Giuseppe Maiero del Sig. Ant. q. Gius. da Pozzo Codroipo – il padre gli fa patrim. eccl. (Patrimoni); 1789 Gasparo Majer di Tolmezzo, fittuale Fraterna di S. Michele di Casanova (ASU CRS 41); 1816 Valentino Casco di Giovanni nato in Martignaco nel 1793, agricoltore, sposa Teodora Maria Majara figlia di Antonio Majaro, nata in Martignaco nel 1796, contadina (A.P. Martignà).