Al è une vore probabil che al sedi une forme scurtade (aferetiche) di Simonutti. Al pues vignî dret di Simonùt o midiant di Mon (di Simón) cu la zonte dal sufìs diminutîf classic -ùt, duncje di Monùt. Una famee di Bordan e ven ancjemò clamade Chei di Mon.
Cognon di Premariâs, ma dal Sîscent al è presint a Vuelis; si lu cjate ancje a Remanzâs e a Udin.
fonts
1625 Nadal, Batta e Mathia Monutti, -o della Vicinia di Oleis (ACAU Vicinie Vuelis); 1679 Silvestro Monut-tto di Oleis, fittuale Girolamo Savorgnan della Bandiera (ASU Di Toppo 113); 1679 Elena di Mattia q. Franc. q. Zuanne Monutti di Oleis sp. Valentino di Paolo q. G. Batta Pauluzzo (Filze); 1698 Sabbata q. Silvestro Monutto, fittuale Fraterna di S. Nicolò di Oleis (ASU CRS 301/1).