Tant che Moro (viodi). Presint a Udin (par plui venit).

Cognon che si riferìs a carateristichis fisichis de persone (par esempli, piel e/o cjavei scûrs). No si à di escludi che, in cualchi câs, al puedi vê contribuît ancje il paîs di Mori (provincie di Trent). Al è presint a Udin, Starançan, Cjaurlis, Fossalte, Lignan, Puart.

Moriélaz al è un dai cognons tipics di Ruede tal comun di Pulfar (1613 Melicar Moreliz de Roda; 1621 Pauli Morelaz de Roda). Al è nassût, cu la formante diminutive -ac, dal non di persone Morèl che al è di origjin venit furlane (vuê si disarès Morelli). chest non si fonde sul adietîf moro e in principi si lu deve a personis che cun cjavei neris o cu la piel une vore scure. Duncje, Morélaz (dal 1700 indenant Moriélaz) al è duncje un cognon ibrit parcè che al è formât di un "cuarp" di origjin romaniche (Morèl) e di une “code" che e à une clare lidrîs slovene (-az / ac) (Zuanella, Dom, 6, 1997).

Diminutîf di Moro (viodi). Morìn si lu cjate a Monfalcon; Morini a Gurize (une vore difondût in altris citâts, par esempli Verone e Ferare).

Al diven dal adietîf moro, cu la zonte di doi sufìs diminutîfs. Presint a Sacîl.