Tu âs cirût la peraule
bilengâl monolengâl
Tu âs cirût la peraule
Ombrena
torne indaûr

bilengâl

Ombrena n.p.f.
  • 1

    n.p.f. Ombrene Copie

    toponim (borc dongje di Tramonç Disot)

monolengâl

ombrene s.f.
(om-bre-ne)
Zone o part no iluminade de lûs
sinonims
scûr, ombre, ombrenûl, ombrie
esemplis
"la ombrene dal bosc, il cîl plen di lûs, la aghe verde e turchine, i vevin dât a Mirco il sens de libertât"
gjavât fûr di "Par stradis lungjis" di Alan Brusini
"co era straca, a si distirava ta ombrena dai pôi e dai morârs"
gjavât fûr di "Catinuta" di Ugo Pellis
Viôt ancje: lombrene, nombrene, dombrene, ombrele
ombrene s.f.
(om-bre-ne)
Imagjin di un cuarp proietade in negatîf de lûs su di une superficie
sinonims
ombre
esemplis
"la flame alte dal nadalin e slungjà un slambri ros aur sul bleon de nêf blancje, come une code di comete, puartant la ombrene scure dal nono fin sul mûr dal ort"
gjavât fûr di "Il pignarûl" di Pieri Menis
"e cualchi paveon si bute tal lusôr dal ferâl e ogni claput de strade al à une lungje ombrene"
gjavât fûr di "L'avôt" di Maria Forte
"ognidune e je une puare, suturne bestie feride, spauride ancje de sô ombrene e che e lenç lis sôs plaiis e creturis"
gjavât fûr di "Storie di Vera" di Ivano Urli
ombrene s.f.
(om-bre-ne)
Figure o persone che no si rive a viodi ben
sinonims
ombre, sacume, figure
esemplis
"la puartute e vuicà, une ombrene sierade e sbrissà dentri, si segnà cu la man blancje: e restà li dongje l'antîl che no olsave a vignî indevant"
gjavât fûr di "La aghe da pît la cleve" di Dino Virgili
"si cjalìn tai voi e une ombrene nus passe dongje. No 'nd è mai un doi cence il trê"
gjavât fûr di "Ah! la provincie" di Sandri Di Suald
ombrene s.f.
(om-bre-ne)
Atmosfere negative o element in cualchi maniere negatîf
sinonims
ombre
esemplis
" il president dal partît autonomist Iacovissi nol cjate di miôr che di dissociâsi de concuiste de grafie unitarie, di banalizâ la cuistion, lassant une ombrene di suspiet che al Moviment Friûl la facende no lu rivuardedi plui"
gjavât fûr di "Memoriis di politiche linguistiche" di Adrian Cescje
"alc che no si podeve perdonâ, che al butave une ombrene di infier sun dute la sô vite"
gjavât fûr di "Il dolfin" di Carlo Sgorlon
ombrene s.f.
(om-bre-ne)
Imprest doprât par parâsi de ploie o dal soreli, fat di une cube di tele montade suntun telâr di bachetis che si pues vierzilis o sierâlis
esemplis
"si intabarossà ben e no mâl, al cjapà sù la ombrene e al jessì di cjase"
gjavât fûr di "Cretevierte" di Roberto Ongaro
"Lis feminis, di Istât, a tignivin la ombrene vierte par parâsi dal soreli"
gjavât fûr di "Il dolfin" di Carlo Sgorlon
"[l'ombrenâr] si pleave jù dentri la ombrene vierte par tiere, a cusî un tondel, a cambiâ un braç o un mani, e daûr sul mûr, in rie, ancjemò ombrenis"
gjavât fûr di "Il bal spasimât des ombrenis" di Maria Forte
ombrene s.f.
(om-bre-ne)
Cualsisei robe che e vedi la forme che e ricuarde chel imprest
esemplis
"lis rosis intropadis a macetuts a metin adun une ombrene formade di rosis piçulis cun fueis blancjis o rosadis"
gjavât fûr di "Jerbis salvadiis inte cusine furlane" di Giorgio Pascoli
detulis
"al vâl plui un solt in soreli che no in ombrene"
"bisugne sparagnâ la ombrene par cuant che al plûf"
"la ombrene dal mês di Avost e fâs dulî la panze il mês di Zenâr"
"la ombrene di Istât e fâs mâl di Invier"
"no si cjol la ombrene par une sole ploie"
"ogni fros la sô ombrene, ogni om il so difiet"
"ogni fros o vin la nestre ombrene"
"ombrene di Istât, e dûl la panze di Invier"
"ombrene, femine e orloi no si impreste a dinissun"
"taiât il morâr, e cesse la ombrene"
torne sù
torne sù