Tu âs cirût la peraule
bilengâl monolengâl
Tu âs cirût la peraule
abbonire
torne indaûr

bilengâl

abbonire v.tr., v.intr.
  • 3

    v.intr. madurî, madressi Copie

    [BU] (di pomis, deventâ maduris)
    le mele abboniscono alla fine dell'estate = i miluçs a madressin su la fin dal Istât

monolengâl

madressi v.intr.
(ma-dre-ssi)
Di pome o ancje di gran o semence, deventâ madûr
sinonims
fâsi, palombâsi, madressisi, madurîsi, palombâ, palombî, palombîsi, vignî madûr
esemplis
"[i miluçs] a jerin crûts, colôr de fiere, cul pêl lunc parsore; par madressi ur coventavin ancjemò doi mês"
gjavât fûr di "Lis predicjis dal muini" di Josef Marchet
"il forment al è sul madressi; e je une consolazion cjalâlu"
gjavât fûr di "Letare al fi" di Lucia Scoziero
Viôt ancje: madressji
madressi v.intr.
(ma-dre-ssi)
Di cdn., cressi, inviâsi o rivâ ae maturitât di un pont di viste fisic, inteletuâl, morâl, e v.i.
sinonims
madressisi, madurî
esemplis
"eh, il timp al cor. A passin i mês e co, par câs, si tornisi a viodi, no si cognossisi plui. Si mude. Salacor si cres... Magari si madrès..."
gjavât fûr di "In chê gnot lusôr di lune" di Gianni Gregoricchio
madressi v.intr.
(ma-dre-ssi)
Di situazions, acjadiments, circostancis, e v.i., vê cierts svilups, davuelzisi intun ciert mût rivant a un bon nivel, a une buine realizazion (fig.)
sinonims
madressisi, madurî
esemplis
"la iniziative no à mai podût madressi e puartâ un risultât positîf parcè che e à simpri trussât daprûf des zelosiis e de malinfidance des sovranitâts e des nazionalitâts"
gjavât fûr di "Federazion europee tra nazions o tra regjons?" di Josef Marchet
madressi v.intr.
(ma-dre-ssi)
[TS] (econ.) Di interès, dirits e sim., cressi o jessi cuistâts intal timp
madressi v.intr.
(ma-dre-ssi)
[BF] Di une feride, di une plaie e sim., inflamâsi e produsi materie infete
sinonims
supurâ
madressi v.tr.
(ma-dre-ssi)
Fâ deventâ madûr
esemplis
"la zornade cjalde e madresseve i forments e i teis florîts a nasavin bon"
gjavât fûr di "Par stradis lungjis" di Alan Brusini
madressi v.tr.
(ma-dre-ssi)
Fâ cressi, fâ deventâ adult
esemplis
"se ben che o eri frut, la vite mi veve madressût a la svelte"
gjavât fûr di "La fabriche dai predis" di Antoni Beline
madressi v.tr.
(ma-dre-ssi)
Fâ deventâ pront, finît, rivâ a alc di definitîf (fig.)
esemplis
"lis ideis di Tellini in cont de nazion ladine e de dignitât linguistiche dal furlan e devin vê pesât inte vision teoriche che Marchi al jere daûr a madressi"
gjavât fûr di "Felix Marchi e il sium dal furlan-furlan" di Max Mauro
"o vevi madressude la idee di formâ une sorte di socie di students"
gjavât fûr di "Memoriis di politiche linguistiche" di Adrian Cescje
madressi v.tr.
(ma-dre-ssi)
Cuistâ un dirit o un credit che a cressin cul timp
esemplis
"ancje il capelan di Piluver al veve madressûts i siei "scats" pal grant svol [pal trasferiment tune parochie plui impuartante]"
gjavât fûr di "Pre Pitin" di Antoni Beline
"la Compagnie dai Bens Comuns, puntuâl ogni mês, i notificave di vê fats [prelêfs] sui credits che al madresseve in bancje"
gjavât fûr di "La lune te stele" di Gianfranco Pellegrini
torne sù
torne sù