Tu âs cirût la peraule
bilengâl monolengâl
Tu âs cirût la peraule
acqua
torne indaûr

bilengâl

acqua s.f.
  • 1a

    s.f. aghe Copie

    [FO] (licuit naturâl cence colôr, cence savôr e cence odôr, indispensabil pe vite su la Tiere)
    bere un bicchiere d'acqua = bevi une tace di aghe

    s.f. aghe Copie

    [TS] chim. (compost fat di doi atoms di idrogjen e un di ossigjen, presint in nature in forme licuide, solide o di vapôr)

    s.f. aghe Copie

    [TS] filos. (inte filosofie antighe, cun fûc, tiere e aiar, un dai cuatri elements che a componin l'univiers)
    per Talete l'acqua è il principio di tutte le cose = par Tale la aghe e je il principi di dut

    s.f.

    (nomencl.)
    acqua alta = aghe alte
    acqua corrente = aghe corinte
    acqua di gronda = strecei
    acqua piovana = aghe plovane
    acqua potabile = aghe potabile oppure aghe di bevi
    acqua salmastra = aghe misclice
    acqua solforosa = aghe pudie
    acqua sorgiva = aghe risultive
    un filo d'acqua = une glagn di aghe
    vena d'acqua = avenâl oppure vene di aghe
  • 1b

    s.f. aghe, sglavinade, ploiade Copie

    [FO] (precipitazion atmosferiche intense)
    è uscito senza ombrello e ha preso tutta l'acqua = al è lât fûr cence ombrene e al à cjapade dute la sglavinade
  • 1c

    s.f. aghe grande, mâr grant Copie

    [FO] (grande estension di aghe)
    per giungere in Argentina solcò le acque oceaniche = par rivâ in Argjentine al passà la aghe grande
  • 1d

    s.f. aghis Copie

    [FO] (tal pl., aghe des termis)
    fare la cura delle acque = fâ la cure des aghis
  • 2

    s.f. aghe Copie

    [TS] sport (intal canotaç, ogni corsie di gare)
    ha vinto la squadra che era in acqua 3 = e à vinçût la scuadre che e jere in aghe 3
  • 3

    s.f. aghe Copie

    [FO] (licuit propri dai vegjetâi)
    l'acqua delle zucchine = la aghe dai coçuts
  • 4

    s.f. aghe Copie

    [CO] (non gjenerâl par infûs, decots, tinturis, cosmetics)
    acqua di malva = aghe di malvis
  • 5a

    s.f. aghe Copie

    [TS] med. (licuit dal organisim uman, naturâl o patologjic)
    togliere l'acqua delle ginocchia = gjavâ la aghe dai zenoi
  • 5b

    s.f. aghe, roie, 'sisin Copie

    [CO] (urine)
    ha fatto l'acqua = al à spandût la aghe oppure al à fat 'sisin oppure al à fate la roie
  • 6

    s.f. aghe Copie

    [CO] (intai zûcs dai fruts, in oposizion a fûc, si jal dîs a cui che al cîr alc di platât se chest al è lontan)
    acqua, acqua, fuocherello, fuoco = aghe, aghe, lusignutis, fûc
  • 7

    s.f. aghe Copie

    [TS] mineral. (limpidece des pieris preziosis)
    è un diamante di acqua purissima = al è un diamant di aghe pure
  • 8

    s.f. aghe Copie

    [TS] edil. (chel tic di pendence dai scjalins che e jude a disgotâ la aghe de pulizie)
    hanno poca acqua quegli scalini = a àn pocje aghe chei scjalins aì
  • 9

    s.f. aghe Copie

    [TS] astrol. (trigon che i apartegnin i segns dal Cancar, dal Sgarpion e dai Pes)
    i segni zodiacali d'acqua sono Cancro, Scorpione e Pesci = i segns zodiacâi di aghe a son Cancar, Sgarpion e Pes

locuzions

    a pane e acqua
  • a pan e agheCopie
    [CO] (cun pôc ce mangjâ, cun pocje disponibilitât, massime par punizion)
    tenere a pane e acqua = tignî a pan e aghe
    • acqua alta
  • aghe alteCopie
    [CO], [TS] gjeogr. (il cressi des aghis, intant de alte maree, parsore dal nivel normâl, soredut inte lagune di Vignesie)
    • acqua bassa
  • [TS] gjeogr. (cjale bassa marea)
    • acqua benedetta
  • aghe santeCopie
    [CO] (aghe che e à vude une benedizion)
    gettare l'acqua benedetta = trai la aghe sante
    • acqua borica
  • aghe boricheCopie
    [CO], [TS] farm. (aghe distilade che e à dentri acit boric, doprade tant che disinfetant, massime par medeâ i voi)
    • acqua cheta
  • gjate bagnade, bore cuvierte, aghe muarte, lime sordine, gjate muarte, mucjine, papetâsCopie
    [CO] (persone che no somearès buine di dâ fastidis)
    attento, è un'acqua cheta = atent, e je une gjate muarte
    • acqua corrente
  • aghe corinteCopie
    [CO] (aghe che e rive intes cjasis a mieç di canis e condotis)
    una casa con luce, gas e acqua corrente = une cjase cun lûs, gas e aghe corinte
    • acqua del rubinetto
  • aghe di spineCopie
    [CO] (la aghe che e rive tes cjasis cul acuedot)
    un bicchiere di acqua del rubinetto = une tace di aghe di spine
    • acqua di Colonia
  • aghe di Colonie, aghe Colonie, colonieCopie
    [CO] (aghe di bonodôr che e rinfrescje)
    • acqua di rose
  • aghe di garofui, aghe di rosis, aghe roseCopie
    [CO] (soluzion di aghe, alcul e essence di garofui doprade tant che cosmetic)
    • acqua di seltz
  • [CO] (cjale selz)
    • acqua di soda
  • sode, aghe di sodeCopie
    [CO] (aghe gasade e digjestive, cun dentri une soluzion di carbonât di sodi e acit tartaric, doprade cussì o par diluî bevandis alcolichis)
    questo drink contiene troppo alcol, aggiungi un po' di acqua di soda = chest drink al è masse alcolic, zonte un pocje di sode
    • acqua di Vichy
  • aghe di VichyCopie
    [CO] (aghe gasade preparade in cjase cu la zonte di polvarins)
    bere acqua di Vichy = bevi aghe di Vichy
    • acqua diretta
  • aghe direteCopie
    [CO] (aghe che e ven de rêt idriche e no di cistiernis)
    • acqua distillata
  • aghe distiladeCopie
    [CO] (aghe disseparade di gas, minerâi e altris componentis su la fonde di un procès di depurazion)
    verificare il livello dell'acqua distillata nella batteria dell'auto = viodi dal nivel de aghe distilade inte batarie de machine
    • acqua dolce
  • aghe dolceCopie
    [CO] (aghe di flum o di lât)
    un pesce d'acqua dolce = un pes di aghe dolce
  • aghe dolceCopie
    [CO], [TS] chim. (cuntune percentuâl basse di sâi di calci e magnesi)
    • acqua e sapone
  • aghe e savonCopie
    [CO] (massime di une femine, che no dopre cosmetics, di muse e aspiet naturâl)
    una bellezza acqua e sapone = une bielece aghe e savon una ragazza acqua e sapone = une fantate aghe e savon
    • acqua filtrante
  • aghe filtranteCopie
    [TS] gjeol. (aghe che e passe planc planc traviers un strât porôs e permeabil, naturâl o artificiâl, cause diference di pression tra une parêt e chê altre)
    • acqua fresca
  • aghe suteCopie
    [CO] (di argoment o discors che nol rive a nuie)
    gli argomenti di quel politico sono acqua fresca = i argoments di chel politic a son aghe sute il suo discorso mi è parso acqua fresca = il so discori mi à parût aghe sute
    • acqua in bocca
  • bocje tâsCopie
    [CO] (esclamazion o esortazion a tasê)
    mi raccomando, acqua in bocca! = mi racomandi, bocje tâs!
    • acqua minerale
  • aghe minerâlCopie
    [CO] (aghe di risultive che e à dentri gas o sâi, dispès cun virtûts curativis o terapeutichis, ancje cun zontade anidride carboniche par vê lis bufulutis)
    acqua minerale gassata = aghe minerâl gasade un bicchiere di acqua minerale naturale, per favore = une tace di aghe minerâl naturâl, par plasê
    • acqua oligominerale
  • aghe oligominerâlCopie
    [CO] (aghe che e à une basse percentuâl di sâi)
    • acqua ossigenata
  • aghe ossigjenadeCopie
    [CO] (licuit cence colôr e savôr che si doprilu tant che disinfetant, discolorant o inte industrie)
    disinfettare la ferita con acqua ossigenata = disinfetâ il tai cun aghe ossigjenade l'acqua ossigenata ha proprietà diverse dall'alcol = la aghe ossigjenade e à proprietâts diferentis dal alcul
    • acqua passata
  • aghe passadeCopie
    [CO] (afâr di timp indaûr che nol conte plui)
    oramai quel fatto è acqua passata = aromai chel fat al è dismenteât quella storia è acqua passata = chê storie e je aghe passade oppure e je za lade in dismentie
  • aghe passade, aghe che e corCopie
    (tai prov.)
    l'acqua passata non macina più = aghe che e cor no puarte sporc oppure aghe passade no masane plui
    • acqua perenne
  • aghe continueCopie
    [TS] idraul. (aghe che e passe ai implants idraulics des cjasis de conduture stradâl cence passâ par cassons di dipuesit)
    • acqua salata
  • aghe salade, aghe salse, aghe di mârCopie
    [CO], [TS] (aghe che e à une percentuâl di sâi alte, massime chê dal mâr)
    l'acqua salata del mar Morto = la aghe salade dal mâr Muart l'acqua salata non è potabile = no si pues bevi la aghe di mâr
    • acqua tonica
  • aghe tonicheCopie
    [CO] (bibite gasade, analcoliche e aromatizade)
    un'acqua tonica al tavolo 3 = une aghe toniche pal taulin 3
    • ad acqua
  • a agheCopie
    [CO] (che al va a aghe)
    raffreddamento ad acqua = disfredament a aghe
  • a agheCopie
    [CO], [TS] (che al va a aghe)
    funziona ad acqua = al funzione a aghe
    • avere acqua
  • vê agheCopie
    [TS] mar. (di barcje, vê spazi suficient par movisi)
    • buttare acqua sul fuoco
  • butâ aghe sul fûc, distudâ lis boris, bonâ, cuietâ il mont, meti agheCopie
    [CO] (calmâ, cuietâ une situazion)
    non è la persona adatta a buttare acqua sul fuoco = nol è chel just par meti aghe sarebbe stato più opportuno buttare acqua sul fuoco invece che protestare = al sarès stât miôr distudâ lis boris impen che protestâ
    • colore ad acqua
  • [CO] (cjale acquerello)
    • fare acqua
  • lâ ad aghe, lâ a poçCopie
    [CO] (cjoli aghe)
    fare acqua con l'arcolaio = lâ ad aghe cul buinç
  • fâ agheCopie
    [CO] (di barcje, jemplâsi di aghe par vie di un fal)
    la barca fa acqua = la barcje e fâs aghe
  • no stâ in pîts, fâ aghe, no vê maniCopie
    (di sclariment, no jessi logjic)
    il ragionamento fa acqua = il resonament nol à mani
  • jessi in brutis aghis, fâ agheCopie
    [CO] (jessi in crisi, lâ mâl)
    il bilancio fa acqua = il belanç al fâs aghe
    • fare acqua da tutte le parti
  • fâ aghe di mil bandis, fâ aghe di dutis lis bandis, pierdi aghe di dutis lis bandisCopie
    [CO] (jessi debil, intune posizion imberdeade)
    il suo progetto fa acqua da tutte le parti = il so progjet al fâs aghe di dutis lis bandis
    • gettare acqua sul fuoco
  • [CO], [TS] (cjale buttare acqua sul fuoco)
    • livello ad acqua
  • nivel a agheCopie
    [TS] topogr. (nivel fat di un tubul metalic sore di un trepîts, che al à dôs tacis aes sôs estremitâts che a fasin di vâs in comunicazion)
    • mettere acqua nel vino
  • slungjâ la mignestre, meti aghe intal asêt, bonâ la burascjeCopie
    [CO] (cuietâ, morestâ manieris di fâ e afermazions ecessivis)
    rispetto alle affermazioni precedenti, mise acqua nel vino = a pet des afermazions di prin, al metè aghe intal asêt tendere a mettere acqua nel vino = cirî di bonâ la burascje
    • mulino ad acqua
  • mulin a aghe, mulinCopie
    [CO], [TS] tecn. (mulin li che la muele e je metude in vore de fuarce de aghe)
    un museo etnografico sui mulini ad acqua = un museu etnografic sui mulins a aghe
    • pipa ad acqua
  • [CO] (cjale narghilè)
    • portare acqua al proprio mulino
  • menâ la aghe al so mulin, puartâ aghe sul so mulinCopie
    [CO] (smirâ al so tornecont cence interessâsi di chei altris, fâ viodi lis robis come che al conven)
    è abile nel portare acqua al proprio mulino = al è çaf par puartâ aghe sul so mulin
    • portare acqua in mare
  • puartâ aghe tal mâr, puartâ claps te Tor, puartâ claps tal TilimentCopie
    [CO] (butâ vie timp e energjiis dibant o dâ a cui che no i covente)
    • tromba ad acqua
  • trombe a agheCopie
    [OB], [TS] idraul. (gjenar di pompe di une volte, li che si mandave aiar sot pression tal so soflet pe colade di aghe di un serbatori metût adalt)

monolengâl

aghe s.f.
(a-ghe)
Licuit naturâl fat di doi atoms di idrogjen e un di ossigjen, che in purece al è cence colôr, cence savôr e cence odôr, indispensabil pe vite su la Tiere
esemplis
""Vûstu un altri cafè?" mi domandave. "No, gracie, pitost une tace di aghe""
gjavât fûr di "I forescj" di Alan Brusini, Gian Paolo Linda
"si viodeve aghe che a spissulave di une fontanute e arbui frindôs"
gjavât fûr di "Il sorbet di limon" di Agnul di Spere
"il cuarp uman al è componût almancul al 60 par cent di aghe, ma ogni dì traviers il sudôr, la urine, la respirazion a vegnin pierdûts plui di doi litris di aghe"
gjavât fûr di "Mangje san 2" di Guglielmo Pitzalis
aghe s.f.
(a-ghe)
Ploie
sinonims
montane, scjas, scravaç, sglavin, sglavine, ploie
esemplis
"cenonè e à tacât a vignì jù tante di chê aghe [...]"
gjavât fûr di "Il sut tra lis dôs Madonis" di Luciano Marinig
aghe s.f.
(a-ghe)
Licuit propri dai vegjetâi o di robis di mangjâ
sinonims
aghiç, aghice
esemplis
"lassâ polsâ lis fetis di melanzane cuntun pôc di sâl grues, par che a butin fûr la aghe"
aghe s.f.
(a-ghe)
Non gjeneric par prodots distilâts, infusions, decots, tinturis, cosmetics e v.i.
esemplis
"lis feminis dai curtîi vicins i àn puartâts decots di jerbis, pladinis di aghe di malvis par fâ impacs su lis plaiis"
gjavât fûr di "Vigji il cuintribandîr" di Pieri Menis
aghe s.f.
(a-ghe)
[CO] (med.) Licuit di un organisim animâl, ancje uman, in cundizions normâls o patologjichis
esemplis
"il miedi i à gjavade la aghe trê voltis"
gjavât fûr di "Nuovo Pirona" di Giulio Andrea Pirona, Ercole Carletti, Giovanni Battista Corgnali
aghe s.f.
(a-ghe)
Urine (coloc.)
sinonims
pisse, pissin, pis, pissade, 'sisin, roie
esemplis
"[tal lager] il sît par spandi la aghe e lâ di cuarp e je une fuesse a la vierte"
gjavât fûr di "Storie di Min" di Ivano Urli
aghe s.f.
(a-ghe)
Intai zûcs dai fruts, massime te gjate vuarbe, in oposizion a fûc, si jal dîs a cui che al cîr alc di platât se chest al è lontan
esemplis
"aghe, aghe... lusignutis.... fûc!"
aghe s.f.
(a-ghe)
Non gjeneric di flum, riul, flumere, canâl e sim. o ancje dal mâr
esemplis
"la Livence e je une aghe cuiete"
gjavât fûr di "Un riul tra Venit e Friûl" di Dino Virgili
"in carete e rivin su lis gravis dal Taiament. E passin la aghe su la barcje"
gjavât fûr di "I stivâi di Zuan Batiste" di Arturo Feruglio
aghe s.f.
(a-ghe)
Ancje cun iniz.maiusc., il Tiliment, massime pe sô carateristiche di dividi il Friûl centriorientâl di chel ocidentâl (par anton.)
esemplis
"a puartavin la cjarie jù par Sant Denêl e di là da la aghe"
gjavât fûr di "Vigji il cuintribandîr" di Pieri Menis
detulis
"a balâ cu la sô femine, sopis ta la aghe"
"a pestâ aghe tal mortâl, ancje daspò siet agns e jes aghe"
"aghe cidine e puarte ruvine"
"aghe cidine e ruvine i puints, lime sordine e ruvine lis cjasis"
"aghe e pan, mangjâ di cjan"
"aghe e vidriûl si fâs vin par dut il Friûl"
"aghe lontane no distude fûc"
"aghe passade no masane"
"aghe passade no masane plui"
"aghe peste, aghe e reste"
"aghe, diete e serviziâl fâs vuarî di ogni mâl"
"al è il 'sâf che al à simpri pôre che i mancji la aghe"
"al è miôr cjaminâ trê dîs par tiere che no miezore par la aghe"
"al tocje di lassâ lâ la aghe injù e il fum insù"
"ancje la aghe sporcje e distude la sêt"
"beâts i prins fûr che jù par la aghe"
"bêf il vin e lasse la aghe pal mulin"
"bisugne fâ la roste denant che e vegni la aghe"
"bisugne inneâsi tal mâr grant, no je nancje braùre a inneâsi intune tace di aghe"
"bisugne lâ a mulin cuant che e je aghe"
"bisugne lassâ lâ la aghe injù e il fum insù"
"cence aghe no si masane"
"cuant che a fasin mâl i cai, la aghe no mancje mai"
"cuant che il poç al è sut, si sa trop che e vâl la aghe"
"cuant che si va jù par la aghe, si cjapisi pai baraçs se no si po altri"
"cui che al è scotât ta la aghe cjalde al à pôre di chê frede"
"cui che al vûl aghe che al ledi a la fontane"
"cul vin si sta tra amîs, cu la aghe si lave i pîts"
"cun zeis no si va a cjoli aghe"
"da la aghe si cjape il pes, dal fûc nuie"
"dai poleçs si vuarìs cu la aghe dai ûfs di Pasche"
"dal poç si gjave la aghe"
"daspò tancj agns e tant timp la aghe a torne al so mulin"
"doi viaçs dongje la aghe, trê tal mulin, e un di vicin"
"ducj tire la aghe al so mulin"
"i cops si dan la aghe un cul altri"
"i rîs a nassin ta la aghe, e àn di inneâsi tal vin"
"il sanc nol è aghe"
"il Signôr al à aghe par bagnâ ducj"
"in cent agns e cent dîs la aghe a torne ai siei paîs"
"la aghe a lave dut"
"la aghe a va simpri al mâr"
"la aghe cidine a fâs marcî i pâi"
"la aghe dulà che e je stade e po tornâ"
"la aghe dulà che e jere, e torne"
"la aghe e il fûc a stan in pôc lûc"
"la aghe e je fate par lavâsi"
"la aghe e je fate pes 'savis"
"la aghe e je un trist confuart"
"la aghe e ruvine i puints e il vin il cjâf"
"la aghe e va injù, il fum insù e la fortune par traviers"
"la aghe in bocje a distude il fûc"
"la aghe no à ramaçs"
"la aghe no cor simpri par chel agâr"
"la aghe no coste bêçs"
"la aghe no fâs magle"
"la aghe no piert mai i siei dirits"
"la aghe no suie"
"la aghe prin di bulî e cise"
"la aghe sporcje no lave"
"la cjase dai contents e je lade jù par la aghe"
"lasse che il fum al ledi insù e la aghe injù"
"lasse che la aghe a cori pal so mulin"
"lasse lâ la aghe al so destin"
"lasse lâ la aghe injù e il fum insù"
"miôr scjaveç che no aghe"
"miôr vin turbit che no aghe clare"
"neâsi simpri ta la aghe grande"
"no bisugne spietâ la aghe al cûl"
"ogni mulin al à la sô aghe"
"ogni mulin al vûl la sô aghe"
"pan pe fam, aghe pe sêt e jet pe sium"
"par distudâ il fûc ogni aghe e je buine"
"puartâ aghe al mâr"
"sanc nol è aghe ni brût di fasûi"
"Sant Gregori pape la cisile a passe la aghe, passâ o no passâ e je ore di arâ"
"se il draç nol ten aghe, al reste bagnât"
"se si à di inneâsi, inneâsi ta la aghe grande"
"se si à di inneâsi, lâ simpri ta la aghe grande; no je nancje braùre a inneâsi intune tace di aghe"
"si à di fâ la roste prin che a vegni la aghe"
"si dîs dôs voltis dongje da la aghe e trê tal mulin"
"tiere sante e aghe sante a fasin pantan"
"vin, aghe e fûc a son bogns, se no si ju lasse deventâ parons"
torne sù
torne sù