Hai cercato la parola
bilingue monolingue
Hai cercato la parola
adolescente
Torna indietro

bilingue

adolescente , ,
  • 1

    s.f. frutat, fantat, adolessent Copia

    [AU] (cui che si cjate a jessi inte etât de adolessence)
    è un adolescente assai promettente = al è un fantat di buine vignude
    la psicologia degli adolescenti = la psicologjie dai adolessents
    un'adolescente equilibrata = une frutate ecuilibrade
  • 2

    adi. crei, zovin, vert, adolessent Copia

    [AU] (de adolessence)
    anni adolescenti = agns verts
    esperienze adolescenti = esperiencis creis

monolingue

zovin adi., s.m.
(zo-vin)
Che, cui che al è tai agns che a van de fin de adolessence al inizi de maturitât
esempi
"un om zovin e ridint, inamorât de vite e dal aiar garbin, fuart e sigûr de sô zoventût"
da "Faliscjis" di Cristina Noacco
"une zovine si jere sentade dongje di lui e e veve tacât a tabaiâi di scuele"
da "Il dì celest" di Checo Tam
"di siums a 'nd àn la anime plene i zovins"
da "Int di masnade" di Alviero Negro
"lis feminis a jerin zovinis, ben vistudis, cul bonodôr di ciprie intorsi che al lassave une ferade daûr"
da "La aghe da pît la cleve" di Dino Virgili
""[...] Buine gnot, la mê int!" "Buine, chel zovin.""
da "La furlane" di Dolfo Zorzut
Vedi anche: zoven, zovent
zovin adi.
(zo-vin)
Che al è de zoventût, che al è espression, consecuence, carateristiche e v.i. de etât ancjemò no madure
esempi
"par siore Lise e jere avonde la presince di Meni in cjase sô, parcè che la fuarce zovine di lui e tignive sot teme cualchi dindiat tegnôs dal borc"
da "Cjase di Dalban" di Maria Forte
zovin adi., s.m.
(zo-vin)
Che, cui che al à pôcs agns rispiet a une cierte azion, situazion e v.i.
esempi
"Meni [restât vedul] al jere ancjemò zovin par no pensâ di tornâ a sposâsi"
da "Chei di Muraie" di Pieri Menis
zovin s.m.
(zo-vin)
Morôs
sinonimi
morôs, fantat, puem, frut
esempi
"al è gnot e scûr di ploie / e jo torni jù in paîs / par lâ a viodi dal gno zovin / se al è muart o se al è vîf"
da "Al è gnot e scûr di ploie" di Popolâr
zovin adi.
(zo-vin)
Plen di salût, di fuarce, di bon umôr e v.i.
esempi
"al començave a visâsi di jessi leât a chê tiere cun dute la fuarce di un istint rabiôs che lu faseve tornâ zovin"
da "Sul agâr" di Pieri Menis
"[ancje se tancj di nô a àn otante agns] nô o sin simpri zovins! E la ligrie (e dîs la vilote) e je dai zovins! ("
da "Festeggiati i 20 anni del Fogolâr di Chambéry" di Danilo Vezzio
zovin adi.
(zo-vin)
Pensât, fat pes personis zovinis o di personis zovinis
esempi
"ideis zovinis par salvâ l'ambient"
da "Il Diari 2/3/2012" di Redazion il Diari
"mode zovine"
zovin adi.
(zo-vin)
Di robe di mangjâ o di bevi, pôc stagjonade
sinonimi
gnûf, resint
esempi
"la cubie «bueriis e ribuele» e je proverbiâl. Ma tocje rimarcâ che cun «ribuele» no si intint chê «zale», [...] ma ben il vin zovin, il prin blanc (amabil e turbit) che al jes de cantine"
da "Cjastinis" di Margherita Timeus
zovin s.m.
(zo-vin)
Persone cun pocje esperience professionâl, cjapade a vore par che e impari o cun mansions gjenerichis e nivel jerarchic bas
sinonimi
garzon, fantat
esempi
"[fevelant al barbîr] "Insegne un pocje di creance al to zovin ve!""
da "La buteghe dal barbîr" di Pieri Somede dai Marcs
proverbi
"bêf che plui zovin di vuê no tu bevis altri"
"bisugne pleâ l'arbul co al è zovin"
"cali vieri e lat zovin"
"ce che al è permetût di zovin, no si po fâlu di vieli"
"ce che si impare di zovin no si dispare di vieli"
"colomp zovin, gjaline viele"
"consei di vieli, aiût di zovin"
"conseis di viei a judin i zovins"
"cuant che il gjal zovin al cjante, il vieli al à za cjantât"
"cuant che il vieli al duar e il zovin al vegle, il mont nol va plui ben"
"cui che al gjolt di zovin al stente di vieli"
"cui che al stente di zovin al gjolt di vieli"
"cui che al va a cjaval di zovin al va a pît di vieli"
"cui che di zovin si fâs mangjâ, di vieli al scuen lâ a pitocâ"
"cui che no lis fâs di zovin lis fâs di vieli"
"cui che no si inamore di zovin si inamore di vieli"
"cui che nol sa comprâ che al compri zovin"
"cui che nol sparagne di zovin al stente di vieli"
"dâi une femine zovine a un vieli al è tant che dâi une cocule a un frut"
"dreçâ l'arbul fin che al è zovin"
"femine zovine, vin vieri"
"i viei a vuelin che ancje i zovins a fasin come lôr"
"il cali vieri e il lat zovin"
"inte robe zovine no si piert mai"
"la fiere terçane il zovin lu risane e al vieli i fâs sunâ la cjampane"
"lis feminis ogni an a deventin plui zovinis"
"mat di zovin, om di grant"
"miedi vieli e barbîr zovin"
"miedi vieli e ciroic zovin"
"o murî zovins o vignî viei"
"sclope di zovins, miserie di viei"
"un matrimoni fra doi zovins al è un matrimoni dal Signôr, un matrimoni fra doi viei al è un matrimoni di mierde, un matrimoni fra un zovin e un vieli al è un matrimoni dal diaul"
Torna in Cima
Torna in Cima