Tu âs cirût la peraule
bilengâl monolengâl
Tu âs cirût la peraule
adulto
torne indaûr

bilengâl

adulto adi., s.m.
  • 1a

    s.m. grant, madûr, adult Copie

    [AU] (cui che al à finît di cressi, intal cuarp e intal sintiment)
    comportarsi da adulti = compuartâsi di grancj
    età adulta = etât madure
  • 1b

    adi. grant, cressût Copie

    [AU] (di organisim di plante o animâl che al à finît il so svilup)
    un bosco di piante adulte = un bosc di lens grancj
    un gatto adulto = un gjat grant
  • 2a

    adi. madûr, adult Copie

    [AU] (di alc che si confâs a une persone grande)
    comportamento adulto = condote madure
    riflessioni adulte = pinsîrs madûrs
  • 2b

    adi. cressût, madûr, adult Copie

    [AU] (di alc che al risulte ben definît, ben puartât indenant, progredît)
    è ormai un'organizzazione adulta = e je aromai une organizazion cressude
    è un'opera adulta = e je une vore madure

monolengâl

madûr adi.
(ma-dûr)
Di pome, semence o sim., che e je dal dut cressude e formade, che e je tal massim dal so divilup
sinonims
fat
esemplis
"e butà il voli sul figâr dal ort; e viodintlu cjamât di fîcs biei e madûrs, a i vignî la aghe in bocje"
gjavât fûr di "Meni Fari" di Luigi Gortani
"une dì a buinore di mieç Setembar, tun profum di ue madure, cuntun aiarin che al vignive jù des monts"
gjavât fûr di "Sul agâr" di Pieri Menis
"il mont al jere biel. Il cjamp zâl di forment madûr, la blave a Sant Roc, la nêf ae sô stagjon"
gjavât fûr di "Par stradis lungjis" di Alan Brusini
madûr adi.
(ma-dûr)
Di organisim, che al à finît la sô fase di cressite, che al è rivât ae etât adulte e in particolâr che al è pront pe riproduzion
madûr adi.
(ma-dûr)
Di cdn., che al è rivât al plen svilup fisic e inteletuâl, che al è tune etât che no je plui di infanzie o zovinece e che nol è ancjemò te vecjaie
sinonims
grant, adult
esemplis
" i vecjuts a tornin fruts e, se no si inmalin, a àn i voi che a slusin di bontât e di gjonde, che la int “madure” e piert dispès cul cressi e cul bacilâ"
gjavât fûr di "Faliscjis" di Cristina Noacco
madûr adi.
(ma-dûr)
Di cdn., che, cence tignî cont de sô etât, al mostre di vê sintiment, judizi, ecuilibri
sinonims
acuart, caut, dret, ecuilibrât, fat, fin, franc, judiziôs, misurât, prudent, responsabil, savi, savint, scaltri, svelt, tamesât
esemplis
"mi viôt plui madûr e avonde pront a frontâ ogni discors e robe che mi ven incuintri"
gjavât fûr di "Sul florî" di AAVV
"al è il moment di lavorâ sul dûr, di mostrâ se il Friûl al à int serie, madure, sperimentade, buine di cjapâ in man e di tignî salt il tamon e lis jevis di comant"
gjavât fûr di "E cumò?" di Josef Marchet
madûr adi., s.m.
(ma-dûr)
[TS] (scol.) Che, cui che al à passât l'esam di maturitât
madûr adi.
(ma-dûr)
Di judizi, opinion, elaborazion teoriche, realizazion tecniche e v.i. che e risulte di un svilup lunc e aromai complet
esemplis
"il contat vût cul public cu lis rapresentazions provisoriis al à judât a componi un test definitîf madûr"
gjavât fûr di "La prime stagjon dal teatri stabil furlan a è pronte a partî" di Tarcisio Venuti
madûr adi.
(ma-dûr)
Di situazion, circostance e v.i., che e je pronte pal davuelzisi di cierts acjadiments
sinonims
bon, just, momentôs, oportun
esemplis
""O ai pensât avonde. Cumò o dibot chest al veve di nassi… Al è rivât, a colp, dome il decidi,… ma la robe e jere madure di un pieç [...]""
gjavât fûr di "Cjase di Dalban" di Maria Forte
"il timp de rivelazion nol jere ancjemò madûr"
gjavât fûr di "Il dolfin" di Carlo Sgorlon
madûr adi.
(ma-dûr)
Che al à bevût masse alcolics e che al è sot dai efiets dal alcul, ancje dongje di altris adietîfs cul stes significât, par rinfuarçâju (fig.)
sinonims
becât, becât sot di une ale, bevût, çurul, grîs, imbarlumît, impiât, implombât, incarburât, incerât, intrunît, invreasât, legri, ligrut, muardût dal cjan neri, plen, pontât, pontât sot di une ale, taront, ticât, vuitul
esemplis
"jo no ai sintût nue parcè che i eri cjoc madûr"
gjavât fûr di "Average Furlan Guy" di Marcello Bon
madûr adi.
(ma-dûr)
Che al à fat sfuarç e al sint une vore di fadie, ancje dongje di altris adietîfs cul stes significât, par rinfuarçâju (fig.)
sinonims
stracuet, strac, cuet, scanât, acanât, discunît, stracât, disfat
esemplis
""Ven ca mo Gori, sentiti, fasìn une polse." "Po sì, o soi madûr, al è un soreli che al bruse""
gjavât fûr di "Tripoli bel sol d'amore" di Pieri Somede dai Marcs
"Lissandri si impensave di vê viodude sô mari scuasit simpri strache madure, daspò di vê sgrifignât a doi cjamputs, di un soreli a chel altri"
gjavât fûr di "Il sium di Lissandri" di Franca Mainardis
madûr adi.
(ma-dûr)
Di part dal cuarp, inflamade o sglonfe (fig.)
esemplis
"e rugne come se o i ves dât une martielade sul dêt madûr"
gjavât fûr di "La none di Camčka" di Stefano Gasti
madûr adi.
(ma-dûr)
Di cualsisei robe, plene, sglonfe (fig.)
esemplis
"denant da li primis montagnis, i vevin jodût, sot di una strissa nera e madura di nûi, un veli grîs che al vigneva indenant"
gjavât fûr di "Temporâl" di Alberto Luchini
detulis
"cuant che il piruç al è madûr, al cole"
"cuant che la piruce e je madure, e cole"
"il piruç co al è madûr e je ore di mangjâlu"
"nol è miluç tant dûr che cul timp nol deventi madûr"
"Sant Simon e jude la rave a ven madure, madure o no madure, si le met sot sieradure"
torne sù
torne sù