Hai cercato la parola
bilingue monolingue
Hai cercato la parola
al di sotto
Torna indietro

bilingue

al di sotto
  • 1

    loc.av. sot vie, disot, sot, parsot vie, disot vie, parsot Copia

    [CO] (in posizion inferiôr)
    rispetto alle attese, è rimasto molto al di sotto = a pet di ce che si spietave al è restât une vore sot vie

locuzioni

    al di sotto di
  • sot di, parsot di, parsot vie diCopia
    [CO] (-)
    al di sotto del ponte corre la statale = parsot dal puint e cor la statâl
  • sot di, mancul diCopia
    [CO] (inferiôr di)
    un numero al di sotto di trenta = un numar sot di trente
  • sot di, mancul diCopia
    (par dî di un limit che no si lu à passât)
    un punteggio al di sotto della media = ponts sot de medie

monolingue

sot prep., av., adi.inv.
In posizion plui basse rispiet a alc altri che al è in contat
esempi
"sot lis scarpis si formin dôs çuculis di nêf che mi fasin lâ çuet"
da "I forescj" di Alan Brusini, Gian Paolo Linda
"cjapâ il sium stant sot la plete"
da "I spirts" di Ivano Urli
"là che e finìs la schene, te part fofe che e je sot, Vigjut al veve une vergule nere"
da "Tal bosc di Kebespok" di Pieri Menis
sot prep., av., adi.inv.
Te part basse di alc
esempi
"Malie, Catine e Nenute a jerin lis trê fiis dal vuardian dal cjistiel [...]. A jerin a stâ sot de torate, in bande dal puarton principâl, cui gjenitôrs"
da "Marum" di Pieri Menis
sot prep., av., adi.inv.
In posizion plui basse a pet di alc, cence contat
esempi
" il mâr si slungjave al infinît sot un cîl celestin"
da "Come tai romançs" di Alan Brusini
"il puiûl di len al è difûr sot la linde"
da "In scolte..." di Dino Virgili
sot prep., av., adi.inv.
In posizion plui basse a pet di alc che al cole o al ven o al fâs sintî il so efiet dal alt
esempi
"par trois e cjarandis, intant che si inmaneave un brut timp, e po vie, sot la ploie"
da "Chê massanghe plui grande" di Maria Forte
sot prep., av., adi.inv.
A cuote, nivel o altece plui basse rispiet a alc
sinonimi
da pît
esempi
" i alpins dal Tumieç a tiravin sù la lôr glesie a Casere Pâl Grant, sot cuote 1700"
da "La gleseute dai alpins" di Pieri Menis
sot prep., av., adi.inv.
A nivel plui bas rispiet a un limit, un valôr, un numar e v.i.
esempi
"zovins autôrs sot dai trente agns"
da "Un Friûl difarent: i 90 mhz di Onde Furlane" di Max Mauro
"par insumiâsi e covente ancje che la temperadure dal cuarp e sedi sot i 38° (grâts)"
da "Il cjâf dai furlans" di Franc Fari
sot prep., av.
Dongje di un moment o di une date
esempi
"une fumate ogni sere sot gnot / mi involç e mi travane fin sul vues, got a got"
da "Fumate" di Ercole Carletti
"al spietave che al tornàs so pari, sot fiestis di Nadâl"
da "Il muc" di Roberto Ongaro
"te locande a mangjavin sot Pasche la cuartuce cu la salate frescje e il cuarnet a bine, su tavaiis che a svuarbavin di blanc"
da "Come tai romançs" di Alan Brusini
"a jerin tristis anadis chês, sot dal otante: miserie che alçave di pês"
da "La aghe da pît la cleve" di Dino Virgili
sot prep., av.
Te jurisdizion o tal timp di un guvier, di un regjim, di une autoritât e v.i.
esempi
"al veve scugnût fâ dîs agns di militâr cui “jegars” sot da la Austrie"
da "Il prin moto" di Riedo Pup
"sot dal Ream di Italie, ae fin dal Votcent, la classe dirigjente furlane e scomençà a pretindi dal guvier di Rome une deleghe di autonomie"
da "Memoriis di politiche linguistiche" di Adrian Cescje
"il mulin di Segat, che cumò al è sot Val, une volte al jere di Cortâl"
da "Faliscjis" di Cristina Noacco
sot prep., av.
A di un nivel jerarchic plui bas
esempi
"un bon predi al veve simpri di tasê cun chei sore e di vosâur a di chei sot"
da "Pre Pitin" di Antoni Beline
"un pedoli rifat, che al cambiave fituâi ogni altri an par vie che sot di lui a murivin di fam"
da "Agne Ursule" di Pieri Menis
sot prep., av.
Par segnâ situazions o cundizions che a implichin il fat di jessi ogjet o di jessi sometût o di sintî l'efiet di alc
esempi
"[la grafie normalizade] e jere sot de menace dal ricors al Tar de Filologjiche"
da "Memoriis di politiche linguistiche" di Adrian Cescje
"o çavariavi come se o fos stât sot l'efiet dal opi"
da "Il cjâf dai furlans" di Franc Fari
"il comun mi à mandât sot procès dissiplinâr interni"
da "Jo e Graziella" di Mario Beltramini
sot av., prep.
In posizion dongje di alc o di cdn.
esempi
"al jentrà e si sentà su la prime cjadree cjatade vueide sot il mûr"
da "Doro" di Pieri Menis
"Luduì di Teck [...] al comparì in Friûl cun cualchi miâr di mercenaris ongjarês, cjapant Manzan, Rosacis, Scluse e rivant fin sot Udin"
da "Cuintristorie dal Friûl fin sot la Italie" di Josef Marchet
sot av., adi.inv.
Impegnât in alc
esempi
"al à la impression che l'altri no lu scolti, come se al fos sot a cirî alc"
da "Madalene" di Franco Marchetta
"al pensave ai siei, a so pari, puar om, simpri sot par mantignîlu lui che, cu la sô disgracie, pal moment nol podeve inmò fâ nuie"
da "Cretevierte" di Roberto Ongaro
sot av., prep., adi.inv.
In posizion platade, ancje cun funzion di cause (ancje fig.)
esempi
"intuî la veretât vere, che e je sot di ogni fat"
da "La civiltât dal fum" di Riedo Pup
sot av.
Tes parts intimis (eufem.)
esempi
"e çueteave e si tignive cu la man jù sot"
da "La salamandrie tal fûc" di Carlo Tolazzi
sot s.m.inv.
Part inferiôr o basse di alc
sinonimi
disot, parsot
esempi
"i no sai nuia, nencja dulà che al è il sot e il parsora"
da "Donald dal Tiliment" di Stiefin Morat
proverbi
"Sante Redegonde la sape sot de gronde"
Torna in Cima
Torna in Cima