Tu âs cirût la peraule
bilengâl monolengâl
Tu âs cirût la peraule
all'esterno
torne indaûr

bilengâl

all'esterno
  • 1

    loc.av. par difûr, fûr, difûr Copie

    [CO] (bande esteriôr)
    oggi lavoriamo all'esterno = vuê o lavorìn difûr
    si esce facilmente all'esterno = al è facil jessî fûr

monolengâl

fûr av., prep.
De bande esterne
sinonims
par fûr, difûr, par difûr
esemplis
"un bon frico al à di vê une biele croste fûr e jessi tenar dentri"
Viôt ancje: fôr
fûr av., inter.
In espressions escl., par comandâ di lâ vie
sinonims
vie, mars, ghets, urcje vie
esemplis
"Fûr di ca! Fûr di ca, voaltris"
gjavât fûr di "Int di masnade" di Alviero Negro
fûr adi.inv., av.
Tun puest che al è lontan, spec. lontan di un paîs, di une citât o dal so centri
sinonims
lontan
esemplis
"une biele cjase, fûr, in campagne"
"su la strade che e va a Strassolt di une bande e fûr tai cjamps di Roncjis di chê altre"
gjavât fûr di "Nus cjalin" di Dario Chialchia
fûr av.
Tal forest
sinonims
vie
esemplis
"o soi stade fortunade: un dal paîs che a son agns che al è fûr, al à metût par me i bêçs dal viaç"
gjavât fûr di "Se Diu al vûl" di Antescûr
"[il patriarcje Bertrant] cuintri ducj i prepotents di fûr e di dentri al si batè tant che un leon"
gjavât fûr di "Cuintristorie dal Friûl fin sot la Italie" di Josef Marchet
fûr av.
In libertât, no in preson (coloc.)
esemplis
"sîs mês di galere, ma cumò tu sês fûr une altre volte"
gjavât fûr di "Iñaki e Aitor" di Spirt Anonim
fûr av.
In aparence
sinonims
difûr, par fûr, par difûr, dal difûr
esemplis
"fûr al somee cuiet, ma cuissà ce che al pense pardabon"
fûr av.
Cence relazions, leams, implicazions, partecipazion e v.i. (fig.)
sinonims
difûr
esemplis
"nol baste jessi cuintri, bisugne restâ fûr... / butâ vie lis scarpis par cjaminâ sul dûr"
gjavât fûr di "La medisine juste" di Pit Ryan
fûr prep.
Par pandi esclusion, ecezion
sinonims
fale, gjavant, gjave
esemplis
"i romançs furlans di Sgorlon a àn une atmosfere insumiade, fûr il prin, "Prime di sere", che al è dal dut realistic"
fûr prep., av.
Di là di un ciert tiermin di timp
esemplis
"la domande e je rivade fûr tiermin e no je stade acetade"
fûr adi.inv.
No a puest cul cjâf, ancje in esclamazions di maravee (coloc.)
sinonims
mat
esemplis
""sequestrare la stalla", i vevin dite. Ma cemût? Cemût secuestrâi la stale, ma sino fûr?"
gjavât fûr di "Vueris di cunfin" di Milio dai cjans
fûr av., adi.inv.
In evidence, in biele mostre, a clâr
esemplis
"i ultins modei a son fûr in vetrine"
fûr av., adi.inv.
Di prodot, metût in vendite
esemplis
"o stin tradusintle [la Biblie] dute par furlan; il Gnûf Testament al è za fûr"
gjavât fûr di "I furlans a àn di preâ te lôr lenghe par cuistions di religjon e di dignitât" di Francesc Placerean
fûr av., adi.inv.
Di libri di biblioteche, za in prestit
esemplis
""Donald dal Tiliment" al è fûr, ma a varessin di tornâlu par lunis che al ven"
fûr av., adi.inv.
[TS] (sport) Tai zûcs cu la bale, tal spazi che al è di là des liniis dal cjamp, li che la bale no pues colâ se e à di restâ in zûc o di fâ pont
esemplis
"tîr cul cjâf di Celar che si stude a pene fûr di là dal pâl lontan"
gjavât fûr di "Cremonese – Pordenone 2-2" di Marc Stolf
detulis
"a Madone des cjandelis, se al è nûl o sin fûr, se al è clâr a mieç Invier"
"cuant che a son fûr madracs e carbons, si è sigûrs di lamps e tons"
"cuant che l'uciel al è fûr de scjaipule, si stente a cjapâlu"
"fûr il dint e vie il dolôr"
"fûr il gjat, la surîs a bale"
"fûr sanc, dentri mistîr"
"il clap al è fûr e il diaul al è daûr"
"o dentri o fûr"
"Sant Pauli scûr, dal Invier no sin fûr"
"Sant Zorç si bute la cjalce fûr pe cort"
torne sù
torne sù