Hai cercato la parola
bilingue monolingue
Hai cercato la parola
all'interno
Torna indietro

bilingue

all'interno
  • 1

    loc.av. dentri vie, par dentri, dentri, indentri Copia

    [CO]
    fuori tira vento e fa freddo ma all'interno ci sono 25 gradi = par difûr al è aiar e frêt ma dentri a son 25 grâts
    guarda all'interno = cjale par dentri
    spostiamoci all'interno = anìn dentri oppure viers dentri
    stare all'interno = stâ dentri

locuzioni

    all'interno di
  • dentri di, parentri diCopia
    [CO] (-)
    all'interno dell'edificio ci sono 6 appartamenti = dentri dal edifici a son 6 apartaments

monolingue

dentri av., prep., adi.inv.
(den-tri)
Intun spazi, ambient, puest e v.i. sierât o limitat
esempi
"dentri de machine"
"lu vevin metût sul so jet. Al jere tant lunc che dibot nol stave plui dentri"
da "Istât" di Agnul di Spere
"une Patrie no tant grande e nancje masse piçule, ma ce che al baste par che al vivi dentri, cence pierdisi, il nestri popul "
da "Il Friûl al è nassût cussì" di Josef Cjargnel
"jê e sbrissà dentri tal bearç, cidine cidine, cence fâsi viodi di nissun"
da "Cjase di Dalban" di Maria Forte
"vierte la bocje dal sac, i metevin dentri un mezut di forment"
da "Fra Silvio" di Pieri Somede dai Marcs
Vedi anche: drenti
dentri s.m.
(den-tri)
Part interne
sinonimi
didentri
esempi
"il dentri, cui siei bancs carulâts, lis colonis di marmul ros, lis statuis di Sant Valantin e di Sant Josef, al jere chel di cuant che Lissandri al jere lât"
da "Il sium di Lissandri" di Franca Mainardis
"a son stadis tornadis e jevâ sù cuatri colonis, altris a son restadis a mieç o cuntun pâr di rondui, la base de cele e je ben evidente, tant che si percepìs ben il dentri e il fûr dal templi e la sô armonie costrutive"
da "Viaç aes origjins dal Logos" di Adrian Cescje
dentri av., prep., adi.inv.
(den-tri)
In cjase, intun ambient, a sotet
esempi
"vignît, vignît dentri, no stait a stâ li sot de ploie"
da "Faliscjis" di Cristina Noacco
"i zovenats dal paîs a disevin di lâ a messe e invezit a stavin dentri dome cinc minûts tes ultimis riis des bancjis o dongje de puarte. Po dopo a levin ducj te ostarie"
da "Mater Tenebrarum" di Checo Tam
dentri av., prep., adi.inv.
(den-tri)
Intun ciert ogjet, materiâl e v.i., cuntune cierte profonditât
sinonimi
dentri vie, par dentri, indentri
esempi
"bati un claut dentri tal len"
"lis lidrîs a van sot, dentri de tiere "
dentri av., prep., adi.inv.
(den-tri)
Intal cuarp, massime in cualchi orghin interni
esempi
"al sintive come une fasse di dolôr dentri tal stomi che i lave jù fin ai rognons, il brusôr di un riscjalt che al jere par nassi"
da "Tal ospedâl" di Amedeo Giacomini
"i voi che i brusavin come se e ves vût dentri une sgrafute di savalon"
da "Chei di Muraie" di Pieri Menis
dentri av., prep., adi.inv.
(den-tri)
Inte anime
sinonimi
dentri vie
esempi
"al sintive dentri di se come un presintiment che alc di grant al doveve sucedi te sô vite"
da "Co une vôs e clame" di Pieri Somede dai Marcs
"chel cori di ca e di là al è plui di dut un scjampâ dal vueit che si à dentri"
da "Cjase di Dalban" di Maria Forte
dentri av.
(den-tri)
In preson (coloc.)
esempi
"se mi vessin fermât i carabinîrs mi varessin di sigûr metût dentri"
da "Sense" di Checo Tam
"al jere stât dentri par vincjesiet agns"
da "Prime di sere" di Carlo Sgorlon
dentri av., prep., adi.inv.
(den-tri)
Par esprimi partecipazion, cognossince, relazion
sinonimi
indentri
esempi
"fîs e zinars che a jerin dentri in chei fats, a mandarin a dî di partî di strade cence pierdi un sôl lamp"
da "Cjase di Dalban" di Maria Forte
"Degasperi al à butât fûr i liberâi, anzit a son lâts fûr di bessôi. A son lâts fûr parcè che a san di podê intrigâlu ancjemò plui, stant in bande, che no di dentri"
da "La scrassigne" di Josef Marchet
dentri prep.
(den-tri)
Prime di un ciert tiermin di timp
sinonimi
in, prime di, prin di, dentri di
esempi
"o sin subite in Avost, e di chestis votazions che, secont la Cjarte Costituzionâl, a varessin di vignî dentri dal an, a Rome no si fevele ni pôc ni trop"
da "Votazions regjonâls" di Josef Marchet
"Zuan al mantignì la peraule. Dentri dai cuindis dîs al tornà a cjase par stâ dongje la Ulive"
da "La tiere di Lansing" di Maria Forte
proverbi
"beade chê cjase che e à un vieli dentri"
"e va tant la sele al poç, fin che e reste dentri"
"fûr sanc, dentri mistîr"
"il mulinâr al met il Signôr difûr par che nol viodi ce che al fâs dentri"
"o dentri o fûr"
Torna in Cima
Torna in Cima