Tu âs cirût la peraule
bilengâl monolengâl cognons
Tu âs cirût la peraule
allegro
torne indaûr

bilengâl

allegro adi., av., s.m.
  • 1

    adi. legri Copie

    [FO] (che al pant ligrie)
    un carattere allegro = un caratar legri
    un giovane allegro = un zovin legri

    adi. dai, sù po, sta legri Copie

    (tant che esortazion)
    allegro, non preoccuparti! = sù po, no stâ a fastidiâ!

    adi. content Copie

    non c'è da stare allegri = nol è nuie ce stâ contents

    adi.

    (in prov. o det.)
    gente allegra il ciel l'aiuta = la ligrie e fâs armonie
  • 2a

    adi. legri Copie

    [FO] (che al met ligrie)
    ha un sorriso allegro = al à un ridi legri
    un colore allegro = un colôr legri

    adi. plasevul, gustôs, legri, gaiôs Copie

    (di lûc plen di pâs e di bielece)
    una campagna allegra = une campagne legre oppure gaiose
  • 2b

    adi. vîf Copie

    [FO] (di fûc o flame, vivarôs)
    la fiamma allegra crepitava nel caminetto = la flame e sclopetave vive intal caminet
  • 3

    adi. plen, legri, bevuçât Copie

    [FO] (alterât un tic par vê bevût vin o alcolics)
    sabato scorso è tornato a casa piuttosto allegro = sabide stade al è tornât cjase avonde legri
  • 4a

    adi. lizêr, gaiarin, lizerut, facilon Copie

    [FO] (alc fat cun lizerece o persone che si compuarte cun lizerece)
    non fidarti, sul lavoro è troppo allegro = no stâ a fidâti, sul lavôr al è masse lizerut oppure masse gaiarin

    adi. azardôs, legri, fantasiôs Copie

    (il fâ sieltis masse azardosis)
    è una gestione finanziaria allegra = e je une gjestion finanziarie masse legre
    è una soluzione troppo allegra, ci pare = e je une soluzion masse fantasiose, nus somee

    adi. lizêr, morbinôs Copie

    (soredut di femine, facile)
    ragazza allegra = fantate morbinose oppure lizere
  • 4b

    adi. azardôs, legri Copie

    [FO] (ai limits de ilegalitât)
    amministrazione allegra = aministrazion legre
  • 5a

    av. allegro Copie

    [TS] mus. (indicazion di eseguî in maniere avonde svelte e colorade)
  • 5b

    s.m. Allegro Copie

    [TS] mus. (massime cu la iniz. maiusc., toc musicâl di eseguî in chê maniere)

monolengâl

content adi., s.m.
(con-tent)
Che, cui che al è di bon umôr, che al sint ligrie, sodisfazion
sinonims
apaiât, beât, feliç, gaiôs, gloriôs, legri
esemplis
"par me e je stade une aventure gnove e o soi content di vêle fate"
gjavât fûr di "Un Friûl difarent: i 90 mhz di Onde Furlane" di Max Mauro
"al someave dut content, dibot par fevelâ al vosave, e cjalant ducj al diseve che lis robis a jerin ladis benon"
gjavât fûr di "In viaç di domenie" di Agnul di Spere
"a àn scugnût cuinçâ un past di lidric par passisi, ma dut ur pareve bon parcè che a jerin tant contents"
gjavât fûr di "La fie e la fiastre" di Andreina Nicoloso Ciceri
"noaltris, Furlans, no sin contents di jessi lassâts simpri i ultins, no sin contents des limuesinis dadis a gotis par interessament di cualchi parlamentâr"
gjavât fûr di "No sin contents!" di Josef Marchet
Viôt ancje: cuntint
content adi., s.m.
(con-tent)
Che, cui che al à la anime in pâs, che nol è in pinsîr
sinonims
cuiet, trancuîl, pacjific
esemplis
"Tunine lu judave, contente dome cuant che il siôr Plevan i veve dit che chês a jerin robis che il Signôr al permet"
gjavât fûr di "Il Bide di Miot" di Maria Forte
content s.m.
(con-tent)
Sensazion o situazion di pâs, serenitât, sodisfazion
esemplis
"il pinsîr dai fîs che a vevin di tornâ al front al tacà di gnûf a inturbiâ chel content"
gjavât fûr di "Cjase di Dalban" di Maria Forte
"Rosute e zighe batint lis mans di content"
gjavât fûr di "La aghe da pît la cleve" di Dino Virgili
detulis
"al vâl plui il cûr content che no dut l'aur di chest mont"
"al vâl plui il cûr content che no pan di forment"
"cjale chei piês di te e tu sarâs content"
"content Diu, ancje la Madone e je contente"
"content jo, content dut il mont"
"cuant che si è contents, si mûr"
"il puar content al è avonde ric"
"il puar content al è siôr avonde"
"il Signôr nol vûl mai nissun di content"
"la cjase dai contents al è un pieç che e je sdrumade"
"la cjase dai contents e je ancjemò di fâ, e no cjatin claps di fabricâ"
"la cjase dai contents e je ancjemò di fabricâ"
"la cjase dai contents e je di fabricâ e nissun no le rive adore di fâ"
"la cjase dai contents e je lade jù par la aghe"
"la cjase dai contents no je stade mai cuvierte"
"la vite e je il content dai fortunâts, il malcontent dai disperâts"
"la vite e je il content dai fortunâts, il torment dai disgraciâts"
"no si à content cence cualchi torment"
"sta cun Diu che la Madone e je contente"
"tancj a son i corvats blancs e tancj i çus contents"
torne sù

cognons

Allegro
Di Allegro, non o sorenon di fate augurâl. Ben presint in cualchi aree taliane, soredut in Sicilie e te aree di Padue. Te nestre regjon si cjate a Malisane di Tor di Zuin.
fonts
1649 Allegri conte Giobatta governatore di Palma; 1680, 5 di Març Sig. Giacomo Allegri era agente dei coo. Manin (Matrim. Redentôr); 1784 Sig. Pietro Allegri da Udine – spezieria “Alla Fontana” (ACR 307/2).
torne sù