Hai cercato la parola
bilingue monolingue
Hai cercato la parola
allungo
Torna indietro

bilingue

allungo
  • 1

    s.m. lunc Copia

    [TS] (toc di corean zontât tal talon o te ponte de scarpe par adatâle al pît)
  • 2

    s.m. slungjade, acelerazion Copia

    [TS] (tal ciclisim, tal podisim e te ipiche azion di sveltî la corse par lassâ indaûr i aversaris)

    s.m. passaç lunc Copia

    (tal balon, passaç in profonditât)

    s.m. lunc Copia

    (tal pugjilât, colp dât cu la lungjece massime dal braç distirât di un pugjil)

    s.m. lunc Copia

    (te scherme, colp dât in profonditât, slungjant il braç e il cuarp)

monolingue

lunc adi.
Che al à une grande dimension o une cierte dimension in sens lineâr
esempi
"un prât lunc e stret fra lis boschetis di une bande e il flum di chê altre"
da "Il muc" di Roberto Ongaro
"[lis tencjis] lis cjapavin nome i fantats che a vevin la cjane gargane, e un fîl lunc il dopli de cjane"
da "A pescje tal suei" di Lucio Perès
"a lerin a pît. Nol jere un toc di strade lunc"
da "Te grande place" di Agnul di Spere
lunc s.m.
Estension lineâr, dimension che no je ni la altece ni la profonditât
esempi
"[la isule] e faseve 30 Km di larc par 15 di lunc"
da "Eivissa mon amour" di Fabian Ros
"dopo vêlu metût te smuarse [un toc di len] lu sgjavà par lunc cuntun scarpel"
da "Prime di sere" di Carlo Sgorlon
lunc adi.
Che al rive a une cierte distance o ancje a masse distance rispiet al obietîf
esempi
"si inserìs suntun lanç lunc [...] e le met tal sac"
da "Fiorentina – Udinese 3-0" di Marc Stolf
lunc adi., s.m.
Che, cui che al à une buine altece
sinonimi
alt, grant, bocon
esempi
"adun cul poliziot al jere un tâl, in borghês, lunc e sec"
da "Un piçul particolâr" di Fabian Ros
lunc adi.
Soredut di paste o rîs, masse cuet o che al à pierdût consistence parcè che al à polsât masse
sinonimi
stracuet, stradilacuet
esempi
"ma i rîs son masse luncs, la cjar è dure, / slichigne la friture, / il rost cjarbon"
da "La sdavasse" di Pieri Çorut
"o ai scugnût gustâ une ore plui tart, par la cuâl i rîs e jerin deventâts luncs"
da "El sardelon" di Arturo Feruglio
lunc adi.
In funz. di av., in posizion orizontâl
sinonimi
distirât, pognet
esempi
"Marc di Monai [muart inneât] al tornà a Çupicje distirât lunc suntune carete"
da "Istât" di Agnul di Spere
lunc adi.
Che al à une cierte durade o al dure une vore, plui di ce che si previodeve o al è par solit
esempi
"vivi une vite lungje e biele"
da "Sul florî" di AAVV
"une predicje di gale, in chê sere. [...] Une predicje lungje, che e je un pôc la sume di chês che al à fatis vie pe setemane dal Otavari"
da "Otavari a Madone" di Meni Ucel
lunc adi.
Di cdn., che al sta tant timp a fâ alc
esempi
"si met in spiete dal om. Spiete, spiete. Ma ce lunc che al è chel cristian! Che al vebi cjatât cualchidun?"
da "Gjiso e la Eline" di Meni Ucel
"[il confessôr] nol jere curiôs, nol jere lunc, al capive al svol e al jere clâr tes rispuestis"
da "Pre Pitin" di Antoni Beline
lunc adi.
Di alc preparât cun masse aghe, o cun plui aghe di ce che al è par solit
esempi
"une mignestrute, par lui, di brût lunc, une fete di strachin o di cjar, scotade te gridele, cence cuince, e un miluç cuet"
da "Tal ospedâl" di Amedeo Giacomini
"al ordene un cafè lunc maglât"
da "Messe grande" di Paolo Monte
lunc adi.
[TS] (sport) Di scuadre, che e ten i zuiadôrs o lis liniis di zuiadôrs lontans tra di lôr
esempi
"la scuadre blancje e nere e je masse lungje e il so sburt al è masse debil"
da "Udinese – Chievo 1-0" di Marc Stolf
lunc adi.
[TS] (fon.) Di vocâl o ben di silabe, che e dure di plui e che e je in oposizion fonologjiche cuntune vocâl o silabe curte
esempi
"tai tescj dal cinccent e dal sîscent al è frecuent di doprâ secuencis di dôs vocâls par segnâ lis lungjis"
da "La grafie furlane normalizade – Introduzion" di Xavier Lamuela
proverbi
"a fâ il pas plui lunc de gjambe, si romp il cavalot"
"brût lunc nol plâs"
"conts dispès, amicizie lungje"
"cui che al à il nâs lunc lis nase a la lontane"
"cui che si distire plui che a son luncs i bleons, si discuvierç i pîts"
"divuardi che la cjavre e ves la code lungje"
"i brûts luncs a van pe taule"
"il maridâ al è curt, il stentâ al è lunc"
"il Signôr al à la mace lungje"
"il Signôr al à la man lungje"
"il Signôr al à la scorie lungje e al rive pardut"
"la justizie e à lis mans lungjis"
"la lenghe de femine a je lungje tant che la Tresemane"
"la robe plui lungje e je la sperance"
"lis robis lungjis a deventin madracs"
"lunc di mangjâ, pegri di lavorâ"
"lunc o curt, un baston al è simpri un baston"
"malatie lungje, muart sigure"
"par vivi a lunc covente doprâ scarpis vieris"
"plui piçul al è il cûr des feminis, plui lungje la lenghe"
"vît curte, vendeme lungje"
"vuarditi dal om che al cjale bas e de femine che e à lunc il pas"
Torna in Cima
Torna in Cima