Tu âs cirût la peraule
bilengâl monolengâl
Tu âs cirût la peraule
ammazzare
torne indaûr

bilengâl

ammazzare v.tr.
  • 1a

    v.tr. copâ, maçâ Copie

    [CO] (copâ cun violence)
    ammazzare un nemico = copâ un nemì

    v.tr. copâ, maçâ, macelâ, fâ jù Copie

    (di bestiis di arlevament)
    hanno ammazzato il maiale = a àn copât il purcit oppure a àn purcitât
    il macellaio ha ammazzato una mucca = il becjâr al fat jù une vacje

    v.tr. copâ Copie

    (causionâ la muart)
    il freddo ha ammazzato le piante = il frêt al à copât lis plantis
  • 1b

    v.tr. copâ, maçâ Copie

    [FO] (ferî cdn. colpintlu plui voltis)
    ammazzare di legnate = copâ di racladis
  • 2

    v.tr. copâ, acanâ, scanâ Copie

    [CO] (stracâ une vore)
    si è ammazzato di lavoro = si è copât di lavôr oppure si è scanât a fuarce di lavorâ

    v.tr. umiliâ, deprimi, copâ, avilî, cjastiâ, mortificâ Copie

    (fâ che a colin lis spietis afetivis o i programs di azion)
  • 3

    v.tr. copâ, maçâ Copie

    [TS] zûcs (vê une cjarte plui alte di chê dal aversari)

locuzions

    ammazzare il tempo
  • [CO] (cjale ingannare il tempo)
    • ammazzare la noia
  • passâ la ore, parâ vie la stufe, parâ vie il tedei, passâ il timp, parâ vie il timpCopie
    [CO] (cirî di straviâsi)
    ammazzano la noia giocando a carte = a parin vie il tedei zuiant di cjartis

monolengâl

copâ v.tr.
(co-pâ)
Fâ murî in maniere violente
sinonims
maçâ, sassinâ, fâ fûr, fâ jù, dispicjâ, tirâ jù di spese, mandâ a mangjâ il lidric pal poc, mandâ a fâ tiere di bocâi, netâ, fâ la piel, mandâ a fâ di spie al farc
esemplis
"ju decimavin pe vergogne di sei scjampâts [...] a jerin i carabinîrs «cuntun cjapielon sul cjâf e une palandrane intor che a someavin muiniis di ospedâl». E li ti copavin un su ogni dîs, chei pôcs disgraciâts che i mucs a vevin sparagnât"
gjavât fûr di "Come tai romançs" di Alan Brusini
"a è cuestion nomo di cjermins e cunfins / copâ un di ca: tu sês sassin; copâ un di là: tu sês eroe / ma i parons nestis e lôr son simpri chei"
gjavât fûr di "Un soldatin" di Giorgio Ferigo
"Eliseo al preà Diu che no i cjapàs chê rabie furiose che i veve fat copâ doi umign e passâ vincjesiet agns in galere"
gjavât fûr di "Prime di sere" di Carlo Sgorlon
"al faseve il daziâr, e i disè che e jere lade in multe par vie che e veve copât il purcit cence visâlu lui, par che al podès vignî a controlâ il pês e metii il dazi"
gjavât fûr di "Cretevierte" di Roberto Ongaro
copâ v.tr.
(co-pâ)
Causâ la muart, ancje cence volontât o cence violence
esemplis
"une jone cjadude a traviers dal jet e veve copât sâr Cecco"
gjavât fûr di "La mulinarie" di Catarine Percude
"la pelagre e vinceve, copant masse int"
gjavât fûr di "Il Risorziment a Martignà" di Elio Varutti
copâ v.tr.
(co-pâ)
Fâ mâl, fâ dam, ridusi intune situazion o cundizion negative (iperb.)
sinonims
abati, acanâ, brusâ, butâ jù, disfâ, disombolâ, fâ fûr, fâ jù, maçâ, sassinâ, scanâ, scuintiâ, scunî, sdramassâ, sflancâ, macolâ, ruvinâ, sdrumâ
copâ v.tr.
(co-pâ)
Stracâ une vore (fig.)
sinonims
butâ a cuarts, disfâ, distruzi, maçâ, finî, sassinâ, scunî, sflanchinâ, sdrumâ
esemplis
"vuê, ce il cjalt, ce il lavôr mi àn copât"
copâ v.tr.
(co-pâ)
[BF] Fâ che alc che al bruse o che al fâs lûs no le fasi plui (fig.)
sinonims
studâ, distudâ
esemplis
"copâ la lum"
copâ v.tr.
(co-pâ)
Fâ pierdi dut il valôr, dutis lis buinis cualitâts
sinonims
ruvinâ, sassinâ
esemplis
"la cjar e sarès buine, ma chê salse triste le cope"
detulis
"bisugne copâ chê gjaline che e fâs l'ûf e po lu bêf"
"copâ int, palâ nêf, sbroiâ morârs e spacâ coculis, al è dut timp pierdût"
"cuant che il purcit al è gras, e je ore di copâlu"
"cui bêçs e cu la amicizie si cope la justizie"
"cui che lu copin o che si difint o che al cîr di murî di bessôl"
"fiere continue e cope cjavai"
"il plui bon mus al cope il paron"
"ind cope plui la lenghe che no la spade"
"l'avâr al coparès lis moscjis par vendi la piel"
"l'avâr al cope il pedoli par vendi la piel"
"l'avâr al cope il pulç par vendi la scusse"
"l'om al à fat la machine, la machine e cope l'om"
"lis trê contentecis dal om: lâ coscrit, copâ il purcit, murî la femine"
"masse amôr ti svuarbe, masse dolôr ti cope"
"trê voris a son dibant: palâ nêf, bati coculis e copâ oms"
torne sù
torne sù