Tu âs cirût la peraule
bilengâl monolengâl cognons
Tu âs cirût la peraule
amo
torne indaûr

bilengâl

amo s.m.
  • 1a

    s.m. am Copie

    [CO] (piçul imprest di fier o di altri materiâl, a ponte e pleât, doprât par pescjâ impirant intor la lescje)
  • 1b

    s.m. rimpin, lescje Copie

    [CO] (imbroi, ingjan)

monolengâl

rimpin s.m.
(rim-pin)
Toc di imprest o imprest intîr, soredut di metal, cuntune ponte pleade, che e permet di cjapâ, stratignî, picjâ e v.i.
sinonims
lincin, ganç
esemplis
"ator pai mûrs saran rimpins di fiar, comi chei che son ta becjariis"
gjavât fûr di "Storia dai trê nerans" di Ranieri Mario Cossâr
"a dopravin lis dalminis cui grifs che a jerin rimpins di fier che a vignivin leâts sot la suele des çuculis par no sbrissâ"
gjavât fûr di "E ven jù che Diu le mande" di Manuela Quaglia
Viôt ancje: rampin
rimpin s.m.
(rim-pin)
Element o prominence che e permet di cjapâsi
esemplis
"[il scjaladôr] al cîr un rimpin cul pît, al bat par viodi se al ten, al poie il pês dal cuarp, al môf la man a palpon, al cjate une buine prese, si tire sù"
gjavât fûr di "Faliscjis" di Cristina Noacco
rimpin s.m.
(rim-pin)
Argoment che al pues jessi doprât tant che pretest o tant che scuse (fig.)
sinonims
pretest, scuse, cavîl
esemplis
"e pront al cjate fûr il so rimpin / par baratâ cun jê cualchi peraule"
gjavât fûr di "Bastian" di Pieri Çorut
"siôr Checo nol dineave mai che al veve di paiâlis, ma cul rimpin che al veve di lâ a cjoli i bêçs in bancje, ur prometeve simpri pal indoman"
gjavât fûr di "Aiar de Basse" di Alviero Negro
rimpin s.m.
(rim-pin)
Mieç, capacitât di frontâ une situazion o di fâ alc cun snait, caratar, inteligjence (fig.)
esemplis
"il so om al jere un baban, un om cence rimpins e di lui no podeve fâ stât"
gjavât fûr di "Mabile la Lunghine" di Maria Forte
rimpin s.m.
(rim-pin)
Conversazion fastidiose, di li che al è dificil liberâsi (fig.)
esemplis
"se a i zeva dongja a tacâ rampins o a comandâi alc, [...] il vecju, bel sfregalantsi cu la man la barbita speloca, al cjapava sù e al zeva four"
gjavât fûr di "Il spiçot" di Novella Cantarutti
rimpin s.m.
(rim-pin)
Imbroi, ingjan (fig.)
sinonims
vuaite, vuate
detulis
"a son plui rimpins che no staderiis"
torne sù

cognons

Amore
Difondût e une vore frecuent in dute la Italie meridionâl, al à ae base il non afetîf Amore, comun te Ete di Mieç, sostignût dal non componût Bellamóre. Si lu cjate a Udin.
Amoretti
Come Amore (viôt), ma in version diminutive cjarinative. Difondût te provincie di Imperia, avonde frecuent in chê di Parme. Presint a Udin.
Amoruso
Cognon dal Meridion de Italie, formât dal non antîc afetîf Amoróso, dal adietîf amoróso “plen di amôr, inamorât", o ancje “cetant cjâr, amât" (De Felice, 1978). Si lu cjate a Udin. A Tarvis te variante Amoroso. Tal Schedari Corgnali: 1200 Amoroso da Firenze, poeta; 1491 donna Amorosa uxor nob. Ser Nicolay d.ne Honeste de Utino. Tal 1574 Amoroso don Vincenzo vicario di San Pier d’Isonzo, oriundo di Cesena, già curato a Bagnaria e a Manzinello; 1582 simpri chel al è plevan di Monfalcon (Biasutti).
torne sù