Tu âs cirût la peraule
bilengâl monolengâl cognons
Tu âs cirût la peraule
amore
torne indaûr

bilengâl

amore s.m.
  • 1a

    s.m. amôr Copie

    [FO] (grant afiet par cdn.)
    amore fraterno = amôr di fradi
    fare follie per amore = fâ matetâts par amôr
  • 1b

    s.m. amôr Copie

    [FO] (sintiment fuart par cdn., massime di chel altri ses che al à par fonde il desideri erotic e l'afiet)
    amore corrisposto = amôr apaiât
    amore non corrisposto = amôr malapaiât
    canzoni d'amore = cjançons di amôr
    dichiarazione d'amore = declarazion di amôr

    s.m. amôr, ses Copie

    (sessualitât, erotisim)
    fisiologia dell'amore = fisiologjie dal amôr

    s.m. amôr Copie

    (intai animâi, l'istint sessuâl e il moment che si manifeste l'istint riprodutîf)
    andare in amore = lâ in amôr
  • 1c

    s.m. amôr Copie

    [FO] (inte religjon cristiane, grande bontât di Diu)
    l'amore infinito di Dio = l'amôr infinît di Diu

    s.m. amôr Copie

    (traspuart dal om par Diu e pal prossim)
  • 2

    s.m. Amôr, Eros Copie

    [TS] mitol. (cu la iniz. maiusc., inte mitologjie classiche il diu dal amôr)
  • 3

    s.m. vite, amôr Copie

    [FO] (persone che si vuelii ben)
    amore mio = vite mê
    sei il mio amore = tu sês il gno amôr
  • 4

    s.m. bombon, bisù Copie

    [FO] (alc di une vore ninin)
    questo vestito è un amore = chest vistît al è un bisù
    un amore di bambina = un bombon di frute
  • 5

    s.m. amôr Copie

    [FO] (rapuart, fat amorôs)
    ha avuto molti amori = al à vût tancj amôrs
  • 6

    s.m. cûr, amôr Copie

    [FO] (grande passion, interès marcât)
    fare un piacere con amore = fâ un plasê di cûr

    s.m. brame, amôr, gole Copie

    (grande brame)
    amore per il denaro = gole di bêçs
  • 7

    s.m. amôr Copie

    [TS] zûcs (intai tarocs, un dai arcans maiôrs)

locuzions

    amore ancillare
  • [CO] (rapuart sentimentâl o sessuâl fat cuntune camarele)
    si ricordava di quell'amore ancillare = si visave di chel amôr oppure chê storie cu la massarie
    • amore di gruppo
  • amôr di grup, amôr coletîf, amôr in grumCopie
    [CO] (rapuarts sessuâi tra plui di lôr in maniere simultanie)
    • amore efebico
  • [BU] (cjale pederastia)
    • amore greco
  • [BU], [CO] (cjale pederastia)
    • amore lesbico
  • amôr lesbicCopie
    [CO] (amôr omosessuâl tra feminis)
    • amore libero
  • amôr libarCopie
    [CO] (libertât intai rapuarts sessuâi)
    • amore platonico
  • amôr platonicCopie
    [CO] (amôr dome spirituâl)
  • amôr platonicCopie
    (amôr no declarât e no apaiât)
    tra loro c'è un amore platonico = tra di lôr al è un amôr platonic
    • libero amore
  • [CO] (cjale amore libero)
    • per amore o per forza
  • par sante scugne, par amôr o par fuarce, rugnint o rugnant, par sant scugnî, par bocon o par prionte, voie o no voieCopie
    [CO] (in ogni câs, in ogni mût)
    devo partire, per amore o per forza = o ai di partî, par amôr o par fuarce

monolengâl

amôr s.m.
(a-môr)
Sintiment di grant afiet par cdn. o par alc
sinonims
ben
esemplis
"i gjermaneots che a partivin a cjalavin cul voli di amôr e di dolôr la lôr aghe e le saludavin cidins"
gjavât fûr di "La aghe da pît la cleve" di Dino Virgili
"i fîs dal defont fradi Nardon no si disfin di amôr tra di lôr"
gjavât fûr di "Lis predicjis dal muini" di Josef Marchet
"l'amôr pe sô tiere, pe sô lenghe, pe sô storie al à puartât Agostinis ... a lâ insot ancje te sô art"
gjavât fûr di "O ai scrit pal gno popul" di Erika Adami
amôr s.m.
(a-môr)
Sintiment fuart, cuntune grande impuartance di desideri erotic e afiet
esemplis
"un amôr furiôs, cence calcui, cence resons"
gjavât fûr di "La aghe da pît la cleve" di Dino Virgili
"lui nol jere puartât ai strabalçs dal amôr"
gjavât fûr di "La tiere di Lansing" di Maria Forte
amôr s.m.
(a-môr)
Rapuart sentimentâl, o ancje sessuâl
sinonims
aventure, caravane, moroseç, rapuart, storie
esemplis
"tes cjançons di jê a jerin amôrs finîts e fantatis no plui bussadis, puemis no plui menadis tai prâts"
gjavât fûr di "La pueme cu la vôs biele" di Agnul di Spere
"i vai i amôrs / i vai i amîs / i ti vai te / l’omp che i varès volût essi / il fradi che i varès volût vê"
gjavât fûr di "Trenta agns" di Giorgio Ferigo
amôr s.m.
(a-môr)
Inte religjon cristiane, grande bontât di Diu
sinonims
caritât
esemplis
"al è l'amôr di Diu la vie de perfezion"
gjavât fûr di "Cuant che tal matrimoni al è l'amôr cristian, li al è verementri Diu" di Francesc Placerean
amôr s.m.
(a-môr)
Persone che si vuelii ben
sinonims
cûr, ninin, vissare, vite, stele
esemplis
"o ai mangjât un rap di ue / par sclarîmi un tic la vôs, / e cumò che la ai sclaride / vuei fâ un cjant al gno amôr"
gjavât fûr di "O ai mangjât un rap di ue" di Popolâr
""Oramai chel che al è al è, e l'è miôr zuiâ a cjartis viartis." "E il mio amôr? Che al ves di cjapâse?""
gjavât fûr di "A ogni cost" di Vittorio Vittorello
"pal siôr pari al à une grande sugjizion; ma el grant amôr di Josef e je la done mari"
gjavât fûr di "I stivâi di Zuan Batiste" di Arturo Feruglio
amôr s.m.
(a-môr)
Grande passion, interès marcât
sinonims
interès, passion
esemplis
"par ingrandî l' amôr de lis arts, del studi, del lavôr, del comerci, si formarin lis Societâts di incoragjament"
gjavât fûr di "Il me paîs" di Federigo Comelli
"ma pussibul, sacra bestia, che nissun dai 'sovins a nol cjapi amôr pa robis da cjasa sô? pussibul che al si interessi dome da merecanadis?"
gjavât fûr di "Jentrade di Storiutis gurissanis" di Ugo Pellis
amôr s.m.
(a-môr)
Ativitât che e jemple di passion
sinonims
passion, vite
esemplis
"il cjant al è il so plui grant amôr"
amôr s.m.
(a-môr)
[BF] Reson, cause
esemplis
"o met la pelice par amôr dal frêt"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
detulis
"amôr al à un grant savôr"
"amôr al clame amôr e vilanie e clame vilanie"
"amôr al è amôr e no brût di verzis"
"amôr al fâs amôr, crudeltât lu consume"
"amôr cence barufe al sa di mufe"
"amôr cence barufe al va in mufe"
"amôr cence stime, pan cence sâl"
"amôr che al nas in malatie cuant che si vuarìs al passe vie"
"amôr di cusin al è plui fin"
"amôr di patrie nol è brût di fasûi"
"amôr di patrie nol è brût di verzis"
"amôr e signorie no amin compagnie"
"amôr nol domande ni pan ni polente"
"amôr nol è mai vieri"
"amôr nol è ni polente ni brût di verzis"
"amôr vieri nol devente ranzit"
"amôr vieri nol ven di rusin"
"bisugne temê Diu par amôr e no amâlu par timôr"
"cui che al à dongje dal fogolâr pâs e amôr, al è un siôr"
"cui che al à pâs, ligrie e amôr, dongje dal fogolâr al è un siôr"
"cui che al è fortunât in amôr che nol zui di cjartis"
"cui che al fâs lis robis cun amôr al è un grant dotôr"
"cui che nol à amôr pes bestiis no 'nd à nancje pai cristians"
"fortunât in amôr, disfortunât a cjartis"
"fortune in amôr e puarte fortune al zûc"
"fra l'amôr e il fum no si viôt nancje la lum"
"il prin amôr nol scjampe mai dal cûr"
"il timp fat di gnot al dure tant che l'amôr dai viei"
"l'amôr al è vuarp"
"l'amôr al ven dal util"
"l'amôr ind fâs fâ di ogni colôr"
"l'amôr nol cjale diferencis"
"l'amôr nol è brût di verzis"
"l'amôr, il fûc e la tos prest si cognòs"
"la zelosie e je fie dal amôr"
"masse amôr ti svuarbe, masse dolôr ti cope"
"ni la tos ni l'amôr no stan scuindûts"
"ni sabide cence sflandôr ni femine cence amôr"
"tos e amôr si pandin di bessôi"
"tropis voltis l'amôr al va jù pai lavris"
"vin e amôr, vite di siôr"
torne sù

cognons

Amore
Difondût e une vore frecuent in dute la Italie meridionâl, al à ae base il non afetîf Amore, comun te Ete di Mieç, sostignût dal non componût Bellamóre. Si lu cjate a Udin.
Amoretti
Come Amore (viôt), ma in version diminutive cjarinative. Difondût te provincie di Imperia, avonde frecuent in chê di Parme. Presint a Udin.
torne sù