Tu âs cirût la peraule
bilengâl monolengâl
Tu âs cirût la peraule
ampio
torne indaûr

bilengâl

ampio adi., s.m.
  • 1a

    adi. larc, ampli, vast Copie

    [FO] (che al à estension)
    la casa ha un ampio cortile = la cjase e à un curtîl ampli
    una piscina ampia = une pissine largje

    adi. larc, ampli, comut Copie

    (di vistît)
    è un abito ampio = al è un vistît larc
  • 1b

    adi. larc, viert, ampli Copie

    [FO] (che al lasse viodi e respirâ)
    la finestra permetteva un'ampia visuale = il barcon al lassave une visuâl ample oppure largje
  • 1c

    adi. ampli, complet, esaustîf Copie

    [FO] (ben detaiât)
    fornire un'ampia descrizione dell'incidente = dâ une descrizion complete dal incident
  • 2

    adi. larc, ampli, slargjât Copie

    [FO] (plui gjenerâl)
    capire il senso più ampio di un discorso = capî il significât plui slargjât oppure larc di un discors

monolengâl

viert adi.
Che nol è sierât, che al è in posizion o in situazion di lassâ passâ, jentrâ, jessî, cjapâ, gjavâ e v.i.
esemplis
"al jentrà in cjase e al lassà la puarte vierte"
gjavât fûr di "La aghe da pît la cleve" di Dino Virgili
"Zuan al jere pront, dret in pîts, cul libri neri viert"
gjavât fûr di "Zuan Jeremie" di Riedo Pup
viert adi.
Taiât, ferît, rot o sim.
esemplis
"viodi i muarts e i ferîts che ju strissinavin indaûr [...] Tôs di Mulinis cu la schene vierte che respirant al faseve bufulis di sanc grandis tant che zeis"
gjavât fûr di "I ribei" di Alan Brusini
viert adi., s.m.
Larc e cence ostacui, barieris o limitazions
sinonims
larc, libar, slargjât, vast
esemplis
"une lampade e iluminave la bancjine dulà che si jere fermât il tren, in campagne vierte"
gjavât fûr di "Light my Fire" di Franco Marchetta
"la grande place ur parè maraveose, vierte al cîl tant che une cape di mariperle"
gjavât fûr di "Te grande place" di Agnul di Spere
viert adi.
Di vistît, massime di vistît di femine, che al à une viertidure largje, spec. sul pet
esemplis
"al à la muse scure parcè che si fasarà sigurementri lis lampadis, al à la cjamese di Gianfranco Ferrè vierte sul devant"
gjavât fûr di "Un carantan" di Checo Tam
viert adi.
Che si pues passâi
sinonims
praticabil
esemplis
"la nestre tiere e deventà nome un stradon viert pes corsis sfolmenadis dai Barbars"
gjavât fûr di "La caroce di aur di Sant Martin" di Josef Cjargnel
viert adi.
No finît, no decidût, no definitîf e sim. (fig.)
esemplis
"pes causis civîls al covente plui timp e duncje a son inmò viertis"
gjavât fûr di "Interviste a Amato De Monte" di Christian Romanin
viert adi.
Di cdn. o dal so caratar, che al è disponibil al dialic e a jentrâ in confidence cun chei altris (fig.)
esemplis
"al veve cjapade la ande di lâ ogni dì a saludâ la siore, simpri vivarose e sclete tal visâsi di robis vieris e cussì vierte tal afiet par lui"
gjavât fûr di "Par stradis lungjis" di Alan Brusini
viert adi.
Che nol scuint, che nol plate nuie (fig.)
sinonims
clâr, esplicit, evident, palês, pandût
esemplis
"i discors a deventarin plui vierts, cence piniis o voluçs pôc sincîrs"
gjavât fûr di "Cjase di Dalban" di Maria Forte
viert adi.
Pront a dâ bon acet, a judâ, ospitâl (fig.)
esemplis
""Va contente Anzuline, e visiti che cheste cjase e reste simpri vierte par te…""
gjavât fûr di "Cjase di Dalban" di Maria Forte
viert adi.
Di ambient, che al è in vore, sedi in gjenerâl, che in orari che al fâs servizi al public
esemplis
"o voi subit in municipi che al jere inmò viert; mi ven incuintri il cursôr"
gjavât fûr di "A è lade cussì..." di Pieri Somede dai Marcs
"la mostre e je vierte il miercus des 9 di matine a une dopomisdì"
gjavât fûr di "Une bombe colorade tal mieç dai confets" di Erika Adami
"su la fornâs, par comoditât dai fornasîrs, e jere une «zarde» vierte dut l'an"
gjavât fûr di "Lis çuculis dal Gjigjo" di Pieri Menis
viert adi.
Di puest, riunion, manifestazion e v.i., li che il public al pues jentrâ cence paiâ e cence vê un invît o un permès speciâl (fig.)
esemplis
"la partecipazion ai incuintris e je vierte ai socis. La cuote associative pal 2015 e je di 20 euros"
gjavât fûr di "«In file» cui eretics dal Friûl" di Erika Adami
viert adi.
[TS] (fon.) Di vocâl, articolade cuntune viertidure dal canâl fonatori plui grande che no lis vocâls clamadis sieradis
sinonims
larc
esemplis
"la oposizion e je restade tes vocâls mediis sieradis, derivadis di une alte curte o di une medie lungje, e viertis, derivadis des mediis curtis"
gjavât fûr di "Gramatiche fonetiche furlane" di Sandri Carrozzo
viert adi.
[TS] (ling.) Di silabe, che e finìs cuntune vocâl
sinonims
libar
esemplis
"inte silabe finâl vierte la lungjece fonologjiche si realize concretementri dome in cualchi varietât"
gjavât fûr di "Fonetiche e fonologjie dal furlan centrâl" di Franco Finco
viert s.m.
Spazi no sierât
esemplis
"i fruts a passin une zornade tal viert"
gjavât fûr di "Aventuris tal mieç dal bosc" di Oscar Puntel
"al jere fûr, tal viert, un splaçut, cuntun pâr di taulis, e si sin cjatâts intune dozene di nô"
gjavât fûr di "«Il paradîs al è chest!» Clausiet, il paîs dai spiritâts" di Lelo Cjanton
detulis
"a vuelin trê robis par salvâsi: bon voli, buine gjambe e puarte vierte"
"fin che al è viert il granâr di crist, cui che no si inzegne al è trist"
"fin che al è viert il solâr di Crist, cui che no si inzegne al è trist"
"par salvâsi a vuelin trê robis: bon voli, buine gjambe e puarte vierte"
"une femine e à vierte la sepulture par cuarante dîs daspò dal part"
torne sù
torne sù