Tu âs cirût la peraule
bilengâl monolengâl
Tu âs cirût la peraule
anno
torne indaûr

bilengâl

anno s.m.
  • 1a

    s.m. an Copie

    [FO] (unitât di misure di timp di 365 dîs che al è un zîr de Tiere tor ator dal Soreli)
    il 2000 è stato un anno bisestile = il 2000 al è stât un an bisest
  • 1b

    s.m. an Copie

    [FO] (periodi di 12 mês)
    ci rivedremo tra un anno = si viodarìn ca di un an
    è più di un anno che non ti vedo = al è plui di un an che no ti viôt
    in capo a un anno = ca di un an

    s.m. an Copie

    (par esprimi la etât)
    andare per quarant'anni = lâ sù par cuarante agns
    mia sorella compie oggi sedici anni = vuê mê sûr e finìs sedis agns
    quanti anni hai? = trops agns âstu?
  • 1c

    s.m. an Copie

    [FO] (periodi che al va dal 1 di Zenâr ai 31 di Dicembar)
    felice anno nuovo! = bon dì e bon an!
    l'anno prossimo = l'an che al ven
    l'anno scorso = l'an passât
    quest'anno = chest an

    s.m. an Copie

    (intes datis)
    Aquileia fu distrutta nell'anno 452 d.C. = Aquilee e fo sdrumade tal an 452 d.d.C.
    nell'anno 150 avanti Cristo = intal oppure dal an 150 prin di Crist

    s.m. an Copie

    (tal pl., tant che desene di agns di un secul)
    gli anni settanta = i agns setante
  • 1d

    s.m. an Copie

    [FO] (an di ativitât di une imprese)
    è il nono anno di attività della società = al è il novesim an di ativitât de societât
  • 1e

    s.m. an Copie

    [FO] (periodi di scuele, che al va di Setembar a Jugn)
    essere al secondo anno di liceo = jessi tal secont an di liceu
    l'ultimo compito prima della fine dell'anno scolastico = l'ultin compit prin de fin dal an scolastic
  • 1f

    s.m. an Copie

    [FO] (periodi di dodis mês dedicât a une celebrazion o iniziative)
    l'anno europeo delle lingue = l'an european des lenghis
  • 2

    s.m. an, agnorums Copie

    [FO] (timp une vore lunc)
    ci serviranno anni per finirlo = nus coventaran agns par finîlu
    non mi divertivo così tanto da anni = a jerin agnorums che no me gjoldevi cussì tant
  • 3

    s.m. an Copie

    [FO] (spec. tal pl., ete, periodi de vite)
    gli ha dedicato gli anni migliori della sua vita = i à dedicât i plui biei agns de sô vite

    s.m. an, ete Copie

    (periodi storic)
    gli anni del boom = i agns oppure la ete dal boom
  • 4

    s.m. anade, an Copie

    [FO] (complès des robis che a sucedin in 12 mês e che a caraterizin chê dade di timp)
    un anno di pioggia = une anade di ploie
    un anno di siccità = un an oppure une anade di sut

locuzions

    anno accademico
  • an academicCopie
    [CO], [TS] burocr. (an di ativitât universitarie)
    • anno agrario
  • an agrariCopie
    [TS] agr. (dade di timp che e passe fra doi racolts, che e pues cambiâ daûr dal lûc e dal gjenar di coltivazion)
    l'anno agrario finiva a San Martino = l'an agrari al finive a Sant Martin
    • anno amministrativo
  • an aministratîf, an finanziariCopie
    [CO], [TS] econ. (an di ativitât aministrative)
    nel prossimo anno amministrativo = intal an aministratîf cu ven
    • anno bisestile
  • an bisestCopie
    [CO] (an che al à il 29 di Fevrâr)
    anno bisesto, anno funesto = an bisest, an cence sest oppure an bisest, nuie di sest
    • anno ecclesiastico
  • an eclesiasticCopie
    [CO], [TS] lit. (te Glesie catoliche, calendari des celebrazions liturgjichis che al tache la prime domenie di avent)
    • anno liturgico
  • [CO], [TS] lit. (cjale anno ecclesiastico)
    • anno luce
  • an lûsCopie
    [TS] astron. (distance cuvierte di une radiazion luminose intun an)
  • an lûsCopie
    [CO] (tal pl., distance une vore lungje)
    non ci possiamo andare a piedi, è lontano anni luce = no i podìn lâ a pît, al è lontan agns lûs

monolengâl

an s.m.
Unitât di misure di timp di pôc plui di 365 dîs, che e corispuint a un zîr de Tiere ator dal Soreli, dividude in cuatri stagjons e dodis mês
esemplis
"a son passâts doi agns e mieç des elezions regjonâls"
gjavât fûr di "Le piccole patrie e il piccolo Piccolo" di Marc Stolf
"un vieli di passe sessante agns"
gjavât fûr di "Int di masnade" di Alviero Negro
"mi paiarà cuant che al varà vendût dut. Disìn un pressapôc ca di un an"
gjavât fûr di "Ombris tal infinît" di Carlo Sgorlon
"il miracul di Nadâl al tornave vîf come mil e mil agns indaûr"
gjavât fûr di "La aghe da pît la cleve" di Dino Virgili
"«Al è un an tornât che no ven par chestis bandis»"
gjavât fûr di "Il bintar" di Nadia Pauluzzo
an s.m.
Periodi che al va dal 1 di Zenâr ai 31 di Dicembar, che tal mont ocidentâl al ven identificât cuntun numar partint dal an che par convenzion al è ricognossût chel de nassite di Crist
esemplis
"Pieri Çorut al burive fûr, cu la grafie dal timp, il so Stroligh Furlan. Pronostich par l'an 1821"
gjavât fûr di "Il Risorziment a Martignà" di Elio Varutti
"Udin duncje, l'an passât, al è calât di 535 animis"
gjavât fûr di "Murî di fam cui camarins plens" di Riedo Pup
"il guvier talian [...] al varès intenzion di rimandâ a chest an cu ven lis votazions regjonâls in Italie"
gjavât fûr di "Ai beduins sì a noaltris no" di Josef Marchet
an s.m.
Periodi di scuele, che al va di Setembar a Jugn dal an dopo
esemplis
"Mirco al jere rivât al ultin an di scuele. Tra pôc il diplome di perît, che o jerin za in Mai"
gjavât fûr di "Par stradis lungjis" di Alan Brusini
""E sarà strache, un an di scuele al pese, ancje se al pâr di no. Che si cjapi sù e che e vadi in vacance cun sôs fiis!""
gjavât fûr di "Fûr di timp" di Jolanda Mazzon
an s.m.
Timp une vore lunc (fam.)
sinonims
secul, vite
esemplis
"di libris di leçs a 'nd è trê cuintâi e sessante! E no sâstu che a coventin agns par cirî l'articul che ti da reson a ti"
gjavât fûr di "I furlans e la leç" di Riedo Pup
an s.m.
Spec. tal pl., ete, dade di timp in sens avonde gjeneric, tant che part de vite o periodi storic
esemplis
"e contave la vite dai puars furlans di chei agns, une vite dure, plene di sacrificis"
gjavât fûr di "Catarine Percude" di Roberto Jacovissi
an s.m.
Complès des robis che a sucedin in 12 mês e che a caraterizin chê dade di timp
esemplis
"sotans malabiâts che, tra fit e onorancis al paron, dopo un an di lavôr strissinît, ur restave inmò di dâ"
gjavât fûr di "Come tai romançs" di Alan Brusini
an s.m.
Cuantitât di bêçs che si à di dâ o di vê intun an
esemplis
"jessi indaûr di un an di fit"
detulis
"a fâ di so cjâf, si vîf siet agns di plui"
"a pestâ aghe tal mortâl, ancje daspò siet agns e jes aghe"
"a robâi a un ladron, a son cent agns di perdon"
"an bisest, an cence sest"
"an bisest, lis feminis ni cjâf ni sest"
"an di nêf, an di ben"
"an ploiôs, an fanôs"
"ancje chest an mâl e po mai plui ben"
"ce che nol nas in cent agns, al nas in un"
"cuant che il mus nol à fate la code di trente agns, no le fâs altri"
"cuant che la prime nêf e ven al plan, pocje nêf in chel an"
"cui che al à creance al campe un an, cui che no 'nd à al campe doi"
"cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi"
"cui che al zure il fals al mûr dentri di un an e un dì"
"cul art e cul ingjan si campe mieç an, cul art e cul mistîr si campe l'an intîr"
"cul art e cul ingjan si vîf nome mieç an, cul art e la bausie si manten la massarie"
"cul art e cul ingjan si vîf nome mieç an, cul ingjan e cul art si vîf chê altre part"
"daspò tancj agns e tant timp la aghe a torne al so mulin"
"di ca a cent agns al vâl tant il lin che la stope"
"fami fatôr un an e se no mi fâs siôr, gno dam"
"i gjenitôrs a àn il dovê di mantignî i fis fin che a àn sessante agns finîts; e po passâur il tabac"
"i sîs ultins dîs dal an e i sîs prins a palesin i mês"
"il mus che nol à fat la code di trente agns no le fâs plui"
"il prin al busse e imbrace, il secont nice e fasse, il tierç an il malan e la malepasche"
"il prin an di matrimoni o che si inmalisi o che si fâs un coni"
"il prin an di matrimoni o inmalâsi o imbechîsi o indebitâsi"
"il timp che al cor a Sant Suan al cor dut l'an"
"in cent agns e cent dîs la aghe a torne ai siei paîs"
"ingrume vuê, ingrume doman, si cjate alc insom dal an"
"la barbe il ben di un dì, la femine il ben di un mês, il purcit il ben di un an"
"la blesteme a va ator siet agns e po e torne a colâ su par cui che le da"
"la prudence a ven cui agns"
"lis feminis che a nassin in an bisest a son dutis cence sest"
"lis feminis ogni an a deventin plui zovinis"
"Nadâl al ven dome une volte ad an"
"nissun ben e nissun mâl nol dure cent agns"
"nissun mâl nol dure cent agns"
"no si à mai di nomenâ i agns des feminis"
"ogni an al passe un an"
"pan di une dì, ûf di une ore, lat di un minût e vin dut l'an"
"pan e gaban a stan ben dut l'an"
"passâts i sessante agns si torne fruts"
"prin dal an, pas di cjan; Pifanie, pas di strie"
"prin dal an, un pît di cjan; Pifanie, un pît di strie"
"scove gnove a scove ben, viodarìn chest an cu ven"
"se a 'nt fossin, se a 'nd vignissin, se a 'nd vessin, a son trê sants che a durin dut l'an"
"se al è ars vinars sant, al è ars dut l'an"
"se al plûf Vinars Sant, al plûf l'an dut cuant"
"se al plûf Vinars Sant, arsure l'an dut cuant"
"se il mus nol à fat la code di vincj agns, no le fâs plui"
"si cognossisi plui in cuindis dîs di matrimoni che no in cuindis agns di morosâ"
"si da il bundì e il bon an daûr de persone"
"un mus di vincj agns al è plui vecjo di un om di setante"
"un pecjât fat int une ore, in cent agns no si ripare"
"une dì e vâl un an"
"une volte ad an e ven pasche"
torne sù
torne sù