Tu âs cirût la peraule
bilengâl monolengâl cognons
Tu âs cirût la peraule
anzi
torne indaûr

bilengâl

anzi av., prep.
  • 1

    av. anzit Copie

    [FO] (par marcâ la afermazion di un contrari, massime daspò di une neg.)
    non è bianco, anzi è nero = nol è blanc, anzit al è neri

    av. anzit Copie

    (ancje par dâi plui enfasi a ce che si à dite prime)
    è andata male, anzi malissimo = e je lade mâl, anzit malon

    av. anzit Copie

    (cun valôr elitic)
    non è stanco, anzi = nol è strac, anzit

    av. anzit, po no Copie

    (in formulis di cortesie)
    "Ti spiace?" "Anzi!" = "Ti displasial?" "Anzit!"

    av. anzit, o ben, o pluitost, o miôr Copie

    (par precisâ miôr)
    ti chiamerò, anzi passerò = ti clamarai, anzit o passarai
  • 2

    prep. prin Copie

    [LE] (prin)
    anzi il chiarir dell'alba = prin che al sclarissi dì

locuzions

    anzi che
  • [BU] (cjale anziché)
    • anzi che no
  • ce no, ben e no mâl, ce di noCopie
    [CO] (pluitost, une vore)
    è una cosa difficile, anzi che no = e je une robe grivie, ce di no ha scelto un mestiere duro anzi che no = al à sielt un mistîr dûr ben e no mâl

monolengâl

prin adi.num., pron.num.
Che intune schirie al è tal puest numar un, che al ven denant di ducj chei altris intune cjadene numeriche, temporâl, o spaziâl, o logjiche
sinonims
chel prin, un
esemplis
"ogni an, la prime domenie di Lui, e jere une grande fieste che e clamave int di dutis lis bandis"
gjavât fûr di "Une letare par Bepo" di Pieri Menis
"di chê altre bande, il prin paîs si clamave Goeschenen"
gjavât fûr di "Fieste di inaugurazion" di Agnul di Spere
"la prime robe impuartante de leç e je la liste che e individue lis minorancis"
gjavât fûr di "Memoriis di politiche linguistiche" di Adrian Cescje
"a corevin come gjats sù e jù pai spargai da li scjali a man, a riscju da crevâsi li gjambi par rivâ prins"
gjavât fûr di "Il curtîf dai Cocs" di Novella Cantarutti
prin adi.num., pron.num.
Che al è tal principi tal timp, tal spazi o in cualchi ordin
sinonims
iniziâl
esemplis
"la scuadre furlane e rive a segnâ tai prins minûts, no si scompon denant dai tentatîfs gjenerôs dai aversaris e in plui ocasions si svicine al secont gol"
gjavât fûr di "Entella – Pordenone 0-1" di Marc Stolf
"al vierç la puarte e si bute fûr, si inçopede sul prin batût de cort, al clope tai prins pas su la glerie"
gjavât fûr di "Madalene" di Franco Marchetta
prin adi.num., pron.num.
Plui dongje intal timp, spec. tal futûr, o tal spazi
esemplis
"a la prime ocasion che mi capità, le tovai a cjase"
gjavât fûr di "La cjase di Toni" di Tarcisio Venuti
"lant jù pes scjalis, la prime puarte e da in cusine"
gjavât fûr di "I forescj" di Alan Brusini, Gian Paolo Linda
prin adi.num., pron.num.
Che al è te sô fase iniziâl
esemplis
"a cjaval tra fin votcent e prin nûfcent a nassin lis primis fabrichis"
gjavât fûr di "Studi da la evoluzion dal paisaç mediant i toponims" di Rino Gubiani
prin adi.num., pron.num., s.m.
Che, cui che al è miôr, plui adalt in cualitât, jerarchie, scjale sociâl e v.i. (fig.)
esemplis
"lôr i prins dal paîs e lui l'ultin biadaç dal comun"
gjavât fûr di "Pre Pitin" di Antoni Beline
prin adi.num., pron.num.
Plui impuartant, fondamentâl
sinonims
capitâl, classic, dominant, eminent, essenziâl, fondamentâl, principâl, prominent, sostanziâl, sovran
esemplis
"par une radio privade il prin probleme di frontâ par no riscjâ di sierâ buteghe dopo un mês, al è chel des risorsis economichis"
gjavât fûr di "Un Friûl difarent: i 90 mhz di Onde Furlane" di Max Mauro
prin s.m.
Il dì 1 dal mês, dal an e v.i.
esemplis
"la sere dal prin di Novembar si prepare in cusine i cjaldîrs di aghe frescje pai muarts che in chê gnot, a tornaran ognun te lôr cjase"
gjavât fûr di "I furlans e i muarts" di Riedo Pup
prin av., adi.inv.
Intun moment anteriôr rispiet a cuant che si fevele o a cuant che si riferèìs il discors
sinonims
prime, denant, devant
esemplis
"e simpri a mi spaventa / chesta straçaria / prin imbastî un afiet e po butâlu via"
gjavât fûr di "Da chest paîs forest" di Giorgio Ferigo
"la dì prin students e pulizais a vevin fat une sorte di bataie, ancjemò plui dure di chê di une setemane prin"
gjavât fûr di "In viaç di domenie" di Agnul di Spere
"la Vire [...] e jere rivade in glesie a messe finide, e voleve vê il so piç di cinise sul cerneli. «Ma il plevan nol è plui», i diseve la Ulvine [...] «Tu vevis di rivâ prin»"
gjavât fûr di "La cinise" di Meni Ucel
prin s.m.
Timp o situazion che a jerin, che a son za stâts rispiet a cuant che si fevele o a cuant che si riferìs il discors
esemplis
"un timp dulà che si viodevisi parsore di un fîl, in tension jenfri un prime e un dopo"
gjavât fûr di "Kebar krossè" di Stiefin Morat
prin s.m.
[TS] (mus.) Cui che al cjante cuntune vore di abilitât, che tal cjant a plui vôs al à la part principâl
esemplis
"la nestre cjantose spiçade te vôs di prin di chê fantaçute culì, no po sei se no chê da la ago frescjo di Rigulât"
gjavât fûr di "In scolte..." di Dino Virgili
detulis
"al è miôr vê pôre prin che no daspò"
"al prin colp nol cole l'arbul"
"beâts i prins fûr che jù par la aghe"
"beâts i prins fûr che tes pachis"
"beâts i ultins se i prins a àn creance"
"come che al va l'ultin di carnevâl e il prin di cuaresime, a va dute la cuaresime"
"cuant che al plûf il prin martars di lune, no si à sec plui par chê lune"
"cuant che la prime nêf e ven al plan, pocje nêf in chel an"
"cuant che la vacje no mangje cuant che il bo, o che e à mangjât prin o che a mangje daspò"
"cui che al è l'ultin nol è mai di prin"
"cui che al è prin tal mulin al masane"
"cui che al fâs il prin al paie il bocâl di vin"
"cui che al fâs la fuesse pai altris al è il prin a lâ dentri"
"cui che al rive prin tal mulin al masane"
"dai colps si vuarìs di ducj, fûr che dal prin"
"diete e je la prime medisine"
"e coste bêçs dome la prime boce"
"falade la prime buse si lis fale dutis"
"i bêçs dai vilans e i coions dai cjans a son i prins a mostrâsi"
"i prins a protestâ a son i massepassûts"
"i sîs ultins dîs dal an e i sîs prins a palesin i mês"
"i vedui il prin dì a vain, il secont se passin, il tierç se ridin"
"il pan dai coions al è il prin a mangjâsi"
"il prin al busse e imbrace, il secont nice e fasse, il tierç an il malan e la malepasche"
"il prin amôr nol scjampe mai dal cûr"
"il prin an di matrimoni o che si inmalisi o che si fâs un coni"
"il prin an di matrimoni o inmalâsi o imbechîsi o indebitâsi"
"il prin capitâl al è tignî cont"
"il prin dì di Inseri al è sant Pas, il secont sant Crepìn, il tierç sant Sclop"
"il prin e l'ultin sgrisul a son chei pericolôs"
"il prin flôr al altâr maiôr"
"il prin miâr di florins al è dificil di fâ, chei altris daspò a vegnin bessôi"
"il prin pinsîr al è simpri il miôr"
"il prin principi al è pesant"
"il prin puest si scuen lassâjal a chei di cjase"
"il Signôr prin ju fâs e po ju compagne"
"il sparagn al è il prin racolt"
"il sparagn al è il prin vuadagn"
"in cjase dai galantoms prin lis feminis e po i oms"
"l'arbul si sglove prin di rivâ al cîl"
"la nêf prin di Nadâl e je dute di regâl"
"la prime digjestion si le fâs in bocje"
"la prime educazion si imparile sui zenoi"
"la prime joibe di Mai cocis assai"
"la prime nobiltât e je chê des azions"
"la prime ploie di Avost a rinfrescje il bosc"
"la prime ploie di Avrîl il cai al salte fûr dal so covîl"
"la prime robe mangjade e je chê dai mincjons"
"la prime volte si perdone, la seconde si tontone e la tierce si bastone"
"la prime volte si po fâje al pari eterni"
"lis invenzions: prin preâ par vêlis e po parcè che lis vin vudis"
"prin dal an, pas di cjan; Pifanie, pas di strie"
"prin dal an, un pît di cjan; Pifanie, un pît di strie"
"prin di Mai Sant Jacum e Filip o cjatai, tierce dì Sante Crôs e fuì, un pôc plui tart Sant Gotart, e tal doman Sant Florean"
"prin il pecjât e po la pinitince"
"prin jo e po chei altris"
"prin rosis e flocs, po mierde e peçots"
"prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont"
"se al è bon timp il prin martars di lune, al è bon timp dute la lune"
torne sù

cognons

Anzilutti
Diminutîf di Anzil (viodi). Cognon origjinari di Montenârs, là che al è documentât dal 1590 indenant e al è presint ancjemò vuê; di chi si è spostât a Glemone (3 fameis intal 1929); si cjate ancje a Pontêbe. Intal Schedari Corgnali: 1620 Ioannes Anziluttus de Montenario. Un altri diminutîf di (J)anzil simpri a Glemone intal 1405: recepi a Ianzilino ab Hospitali pro affictu domus sue denarios septagintaquinque.
fonts
1638 Francesco di Zuane q. Nadal q. Ianzil Anzilutti da Montenars sposa Francesca q. Zuane Cicutti (Extraordinariorum); 1639 Danielle Anzilutto de Montenars, teste (ASU Perusini 704.1); 1701 don Antonius Anziluttus di Gio. q. Franc. de Montenario al è predi (ACAU); 1706, ai 22 di Fevrâr Antonio q. Natale Anzilutto da Montenars in procinto di portarsi in Germania vende i suoi beni in parte per 250 duc. al cugino don Antonio Anzilutto e il resto per duc. 200 lo lega allo stesso con ònere di 40 messe annue. Poi gli vanno male le cose e da Vienna passa a Belgrado. Ha un debito col genero Antonio Macore e da Belgrado revoca il legato perché i beni liberati vadano sul debito verso il Macore (Filze).
Anziutti
Al è il diminutîf dal non di persone antîc Anzio che al è documentât dal 1256 indenant cun Anzio de Mels. A son une vore lis atestazions plui tardis: intal 1271 Ancius de Straso, intal 1278 Anço gastaldione de Faganea, intal 1290 Ancius de Plasencis, e v.i. La forme diminutive e salte fûr pe prime volte intal 1241 cun Anzuttus di Mels e e va indenant cun Anzuto di For Disore, paîs là che al resist ancje vuê il cognom Anziutti. Intal Schedari Corgnali: 1492 Pietro, Daniele e Giovanni Anziut da Forni di Sopra; 1582 Daniel Danzutt di Forni di Sopra abit. in Pontebba. In graciis de grande documentazion sul non Anzio tal Schedari onomastic Corgnali, o pensìn che e sedi cence fondament la propueste di derivazion di Anzolùt (La voce fornese, 1949). De Stefani 2003, 109 al tire par une derivazion di *Anzi(l)ut diminutîf di Anzil, variante di Janzil, duncje peade a une des formis todescjis dal non “Zuan” (viodi Ànzil). Presint ancje a Udin.
fonts
1274 haynzuto fornatore a Udin (Corgnali); 1748 Valentina di Pietro q. Tomaso q. Pietro q. Tomaso Anziutti De Santa da Forni di Sopra sposa Nadale di Giacomo di Gio. Batta Anziutti (Filze).
Anzìt
Probabil che al sedi un diminutîf dal non di persone Anzio, une vore ben documentât tal passât. Viodi Anziutti. Cognon di Cjasteons di Strade.
Ànzil
Cognon di divignince todescje, diminutîf di Hans (Frau, 1989 b). Par furlan si podarès dî “Zuanin” o “Zuanut” (a Glemone tal 1454 Iohanne dicto Ianzilo condam Iohannis de Alemania). Par antîc al jere Jànzil (scrit ancje Jànçil) e, cun chestis grafiis, si lu cjate in tancj documents dal Tresinte e dal Cuatricent. E je di escludi une derivazion di anzìle “bisat” come che al propon CI 83 che al viodarès une acentazion Anzìl, là che invezit si è sigûrs che e sedi Ànzil, tant che Frànzil, cjalant il sufìs diminutîf todesc -il. Tal Schedari Corgnali: 1321 Jançilus f. d.ni Jacobi de Cormons; 1355 Franciscus dictus Ançil de Cordovado; 1397 q. Anzili de Bagnarola; 1408 Janzilini a Glemone; 1454 Janzilo sclavo a Rosacis; 1491 Jacobo q. magn. Janzili de Sequalso; 1535 heredi de Jancillin a Azide; 1564 Janzil de Vergnacho; 1566 Midian fiol Zuan Anzil de Vergnà; 1567 Hier.° fiol de Zuan Anzil de Quals. Tal 1405 a Glemone Item recepi a Ianzillo capellario pro datio porchorum marchas denariorum octo; tal 1418 a Gjavons di Rivis Darcjan Nicolaus Anzil; tal 1433 a Udin dela moier di Ianzil; tal 1439 a Darcjan Venutus qm. Janzili; tal 1443 a Vençon un meser Janzil Snaider, tal 1526 a Travês q. Mathei Janzili de Castro Novo. Vuê il cognon Ànzil si cjate soredut tai comuns di Tarcint (tal 1518 un Battista q. Janzil al jere aprendist te arte di far le falze li da notoris falzari Filippi di Segnà), di Tresesin, Vildivar, Ruvigne, San Denêl e Udin. Tal comun di Bertiûl il toponim Anzil (IGM).
fonts
1456, ai 18 di Avost testam. di ser Leonardo q. ser Paolo Ianzil di Neumark d’Alemagna abit. in Udine (Osp. 102,77); 1464, ai 11 di Jugn Leonardo q. Ianzilo di Ponzano e Nardino f. di Antonio Ianzil di S. Daniele anni 28 (ANU 3880); 1474 Ianzil tedesco era servo Osp. Battuti Udine (Osp. Debitori 130); 1478, ai 20 di Fevrâr Ioannes nominatus Ianzil officialis Tricesimi (ANU 3882); 1500 Antonio q. Leon. Ianzil da S. Daniele (ANU 3894); 1502, ai 22 di Març Antonio Ianzil q. Leon. da S. Daniele Ponzano compra dal suocero Antonio q. Dom. Polanutto livello 1 St. frum. (ANU 3879); 1516, ai 23 di Otubar m.° Domenico Anzil da Tolmezzo creditore di £ 14.10 per due mazze di panno date a Giac. di Giustina di Cesclans (Nodâr Andrea Vigna); 1522 divisione tra Simone, Giovanni e Antonio f.lli q. Battista Ianzil da S. Daniele (ASU 3894); 1535, ai 19 di Mai divisione tra Lorenzo, Bertolo e Antonio q. Nicolò Ianzil di Trelli (ANU nodâr Pietro Rufo); 1537 Andrea q. Gio. Ianzil di Vergnacco compra terreno in Adorgnano (ANU 4984); 1544, ai 28 di Març Lorenzo q. Gio. de Ianzilis da Bertiolo – testa (ANU 248); 1589, ai 27 di Avrîl m.° Giovanni Anzili q. Volfango da Venzone – vetraio in Udine – anni 62 (Extraordinariorum); 1599 Paolo q. Giac. Janzil di Vergnaco, fittuale della Chiesa S. Andrea di Attimis (ASU CRS 13); 1618, ai 27 di Mai Gio. Paolo Ianzil chierico di S. Daniele – sospetto d’aver rubato 4 torce al Capitello della B.V. sul muro dei Sivilotti (AAU S. Vito XXI); 1646 Heremia Anzil (o Anzol ) possiede terreno in Laipaco (ASU Perusini 694.3); 1673, ai 12 di Avost Ser Giuseppe Ianzil di Ser Nicolo di Udine – suo padre era portalettere di mare di Udine in Venezia (Filze); 1691 Eredi q. Ficetur Anzil di Tricesino pagano Livello all’Altare del SS.mo Crocifisso (ASU CRS 526); 1693, ai 28 di Jugn m.° Andrea Ianzil e compagno di Udine citano Ser Vincenzo Fabro da Trivignano debitore di £ 49.8 alla loro bottega (Civilium), nel 1698, ai 28 di Jugn avevano lavorato alla chiesa e sagrato chiesa Chiavriis per £ 600 (Arch. Cjavriis); 1702 Geremia Anzil in Vicinia di Montegnaco (ASU Perusini 728.3); 1713 Gioseffo Jancil di Laipaco colono Martina (ASU Martina 559 n.4.8); 1713 Iseppo Anzil da Udine – bottega legname (Regj. Padier); 1723 m.° Michaelle Anzil di Bergona, teste in Attimis (ASU CRS 15/1); 1736 m.° Gio. Batta Anzil abit. in Coll’alto, teste in Raspano (ASU CRS 400/1); 1741 don Valentino Anzil di Michele da Bergogna di Caporetto aveva 26 anni e aveva studiato 13 anni in Germania ed uno e mezzo nel Seminario di Udine (Filze); 1747 Anzolo di Ficetur q. Gio. Batta Angeli Anzil da Tricesimo sposa Menega Visentini (Filze); 1751 Ser Geremia e padre Ser Gio. Batta q. Geremia Anzil da Collalto (ACR 527/2); 1780 Eredi q. Zuanne Anzil, debitori della Confr. del SS.mo Nome di Gesù di Vergnacco (ASU CRS 840); 1787, ai 11 di Mai Leonardo Anzil q. Domenico nato a Cassacco abit. a Tricesimo di anni 70 – teste – cognato del q. Gio. Batta Castenetto di Cassacco (BAU Cartolaris gnûfs); 1816, ai 24 di Avrîl Angelo Decano di Luca nato nel 1795 in Palazzolo, villico, sposa Maria Anzil di Gio. Batta nata in Pocenia nel 1796 (A.P. Pucinie); 1820 Giacomo Anzil di Gio. Batta nato in Montegnacco nel 1785, agricoltore, sposa Anna Maria Castenetto di Giusto da Montegnacco (A.P. Cjassà); 1853 Vincenzo Anzil di Collalto notaio di Tricesimo (ASU).
Ànzile
Tant che Ànzil (viodi). Presint a Pucinie là che, daûr Castellarin 1997, al è atestât tal 1884. Ta chest comun ancje il toponim Casa Anzile (IGM).
torne sù