Tu âs cirût la peraule
bilengâl monolengâl
Tu âs cirût la peraule
appendizie
torne indaûr

bilengâl

appendizie s.f.pl.
  • 1

    s.f.pl. plovi, rabot, rabote Copie

    [TS] stor. (prestazions dadis in lavôr o in nature che il metadiari a àn l'oblic di dâ al paron)

monolengâl

plovi v.intr.
(plo-vi)
Impers., vignî jù des gotis di aghe dai nûi
esemplis
"ancje chê dì al veve plovût a selis dute la buinore, e nome viers misdì si jere salustrât a tramontane"
gjavât fûr di "Par stradis lungjis" di Alan Brusini
"al durmive sot il stelât e, se al ploveve o se al jere masse frêt, inte stale di cualchi famee"
gjavât fûr di "Cretevierte" di Roberto Ongaro
"in chê domenie di fin di Otubar al ploveve che Diu le mandave"
gjavât fûr di "Chei di Muraie" di Pieri Menis
"al rivà l'an dal sut, che in dute la stagjon nol veve plot mai, e il riul al jere sec"
gjavât fûr di "Vergjilio" di Riedo Pup
Viôt ancje: maiâ
plovi v.intr.
(plo-vi)
Vignî jù, colâ (fig.)
esemplis
"jo o durmivi [...] tune stanzie là che al ploveve des frisis dal sofit di breis il patùs che a jevavin sù lis surîs tes lôr scanis sul cjast"
gjavât fûr di "Messe a straoris" di Meni Ucel
"lis granadis che a sclopavin in alt a fasevin plovi su la piche «a raggera» manadis di plomp"
gjavât fûr di "Cemût che o soi restât caporâl" di Pieri Menis
"te cjamare dal ospedâl e jere chê lûs frede. E ploveve di un barcon larc che al dave suntun vialut di pins"
gjavât fûr di "I prâts des Savodagnis" di Agnul di Spere
"dôs feminis stavin inzenogladis ai pîts del jet, e lis lagrimis gji plovevin a cuatri"
gjavât fûr di "Il me paîs" di Federigo Comelli
"saetis che a plovevin dal cîl su la puare int riparade sot di une linde"
gjavât fûr di "Ta la ombre dal santuari" di Pieri Somede dai Marcs
plovi v.intr.
(plo-vi)
Molâ jù aghe o cualchi licuit (fig.)
esemplis
""[...] Striça la cotala che a ti plouf""
gjavât fûr di "La aga di Plan da li steli" di Novella Cantarutti
"la biondone dute in glorie e ploveve di sudôr jù pal agâr de schene"
gjavât fûr di "La aghe da pît la cleve" di Dino Virgili
plovi v.intr.
(plo-vi)
Rivâ in maniere fisse, sedi di robis concretis che imateriâls (fig.)
esemplis
"i creditôrs scomençarin a fâ plovi lis petizions"
gjavât fûr di "Il me paîs" di Federigo Comelli
"il gjornâl locâl, che su cheste robe al leve a gnocis, al publicave ogni dì letaris e articui che a plovevin di ogni bande"
gjavât fûr di "L'om che al pierdeve pinsîrs pe strade" di Fabian Ros
detulis
"beât chel muart che al plûf sul so cuarp"
"bisugne sparagnâ la ombrene par cuant che al plûf"
"cuant che al è nûl, al po plovi cuant che al vûl"
"cuant che al plûf e al è soreli, si petenin lis striis"
"cuant che al plûf il prin martars di lune, no si à sec plui par chê lune"
"cuant che il soreli la joibe al va tal nûl, domenie al plûf sigûr"
"fumate basse, bon timp e lasse; fumate alte, al plûf cuant che i salte"
"il test di Bertolt nol fale mai: cuant che al plûf lui al rît e cuant che al è soreli al vai"
"lavâ cuant che al plûf e suiâ cuant che al è soreli"
"pai predis se nol plûf al gote"
"se al plûf a Sant Zorzon, siet montanis e un montanon"
"se al plûf a Ssant Laurinç, la campagne le vinç"
"se al plûf il dì de Sense, par cuarante dîs no si sta cence"
"se al plûf il dì di Sant Barnabè, e cole la ue fin che a' nd è"
"se al plûf il dì di Sant Zorç, il cavalîr al va te cort"
"se al plûf il dì di Sant Zorzon, la vendeme a va malon"
"se al plûf Vinars Sant, al plûf l'an dut cuant"
"se al plûf Vinars Sant, arsure l'an dut cuant"
"se al plûf Vinars Sant, la tiere no je mai sazie"
"se nol plûf al gote"
"se nol plûf alc al ven fûr"
torne sù
torne sù