Tu âs cirût la peraule
bilengâl monolengâl
Tu âs cirût la peraule
artificiale
torne indaûr

bilengâl

artificiale adi.
  • 1

    adi. artificiâl Copie

    [AU] (che al è fat, otignût a imitazion de nature)
    illuminazione artificiale = iluminazion artificiâl
    lago artificiale = lât artificiâl

    adi. artificiâl Copie

    (di sostitûts di prodots naturâi)
    latte artificiale = lat artificiâl

    adi. artificiâl, mat Copie

    (sintetic)
    pietra artificiale = piere artificiâl
  • 2

    adi. sfuarçât Copie

    [CO] (cence spontaneitât)
    un bacio artificiale = une bussade sfuarçade
    una stretta di mano artificiale = une strete di man sfuarçade

locuzions

    allattamento artificiale
  • latament artificiâlCopie
    [CO] (latament cun lat no de mari, o in ogni câs no al pet)
    • animale artificiale
  • animâl artificiâlCopie
    [TS] sient. (sisteme di elements mecanics e eletronics che a simulin il compuartament animâl)
    • carico artificiale
  • circuit artificiâl, cjame artificiâlCopie
    [TS] eletr. (massime tal davuelziment di provis su radiotrasmetidôrs e radioricevidôrs, circuit che al sostituìs il circuit normâl di cjame di un gjeneradôr)
    • fuoco artificiale
  • fûc artificiâl, fûcCopie
    [CO] (-)
    lo spettacolo dei fuochi artificiali = il spetacul dai fûcs
    • ghiaccio artificiale
  • glace artificiâlCopie
    [TS] tecn. (glace produsude di machinis frigorifaris, massime par aplicazions industriâls)
    • innevamento artificiale
  • inevament artificiâlCopie
    [CO] (il trai nêf artificiâl cun canons di pueste par dâ plui nêf aes pistis di schi)
    • inseminazione artificiale
  • inseminazion artificiâlCopie
    [TS] biol. (inseminazion che si pues fâ in laboratori, in câs di problemis di infeconditât, di sterilitât e v.i. o, tal arlevament, par sveltî e facilitâ la riproduzion)
    • masso artificiale
  • clapon artificiâlCopie
    [TS] edil. (bloc di conglomerât di peton e claps grues, doprât in costruzions maritimis par dighis, arzins, imbarcjadôrs e v.i.)
    • neve artificiale
  • nêf artificiâlCopie
    [TS] spet. (inte tecniche di fâ senografiis, nêf pustice)
  • nêf artificiâlCopie
    [CO] (nêf fate di pueste par jemplâ lis pistis di schi cuant che lis precipitazions no bastin)
    • nido artificiale
  • nît artificiâlCopie
    [CO] (nît fat e plaçât dal om di pueste pai uciei)
    un nido artificiale per barbagianni = un nît artificiâl pai barbezuans
    • orecchio artificiale
  • orele artificiâlCopie
    [TS] tecn. (dispositîf che al ricêfs suns dongje de vôs umane, che al covente par testâ dispositîfs telefonics)
    • pietra artificiale
  • [CO] (cjale pietra sintetica)
  • piere artificiâlCopie
    [TS] edil. (materiâl fat di ciment che al imite la piere, doprât par pavimentazions e rivistiments)
    • prato artificiale
  • prât semenâtCopie
    [CO] (prât semenât di pueste)
    oramai in città esistono solo prati artificiali = aromai in citât a son dome prâts semenâts
    • realtà artificiale
  • realtât artificiâlCopie
    [CO] (videosimulazion)
    • respiratore artificiale
  • respiradôr artificiâl, respiradôr, ventiladôr polmonâr, ventiladôr automaticCopie
    [TS] med. (machine che e fâs respirâ ancje cui che bessôl nol rivarès par vie di cundizions patologjichis)
    • respirazione artificiale
  • respirazion artificiâlCopie
    [CO], [TS] med. (complès di azions par tornâ a inviâ i moviments di respirazion daspò di un traume)
    • satellite artificiale
  • satelit artificiâlCopie
    [CO], [TS] astron. (satelit mandât in orbite dal om)
    i satelliti artificiali per telecomunicazioni = i satelits artificiâi par telecomunicazions
    • siepe artificiale
  • cise artificiâlCopie
    [CO] (cise muarte)
    • tiraggio artificiale
  • [TS] tecn. (cjale tiraggio forzato)

monolengâl

mat adi., s.m.
Che, cui che al à une menomazion des facoltâts mentâls
sinonims
dement, psicopatic, scuilibrât
esemplis
"[Freud] al fo un dai prins a usmâ la esistence di plui personalitâts intun individui. Chestis ideis i vignirin cul cirî di judâ e di studiâ lis personis gnervosis e i mats che al veve in cure"
gjavât fûr di "Il cjâf dai furlans" di Franc Fari
"al barbote chel altri e se moche tal palaç dai telefons, convint di vê vût da fâ cuntun mat vignût fresc fresc di Sant Svualt"
gjavât fûr di "Viaç a Vignesie" di Arturo Feruglio
"Guri al zigà a fuart, come mat"
gjavât fûr di "La aghe da pît la cleve" di Dino Virgili
mat adi., s.m.
Cun ûs averbiâl o in locuzions averbiâls o in comparazions al pues dâ valôr di superlatîf
esemplis
"Febo al coreve come un mat intes braidis, saltant i riui come un zupet"
gjavât fûr di "Domenie di cjace" di Checo Tam
"i mucs che e jerin li parsore, su la crete plui alte, a traevin come mats"
gjavât fûr di "Tinut di Libro" di Pieri Menis
"o soi stufe mate ancje jo, plui di te"
gjavât fûr di "Co l'amôr al cimie" di Costantino Smaniotto
"une gole mate di maridâsi"
gjavât fûr di "A la oselade" di Pieri Somede dai Marcs
"par parâsi dal scjafoiaç dal dopodimisdì, no mancjavin di lâ a nadâ te sfondare di Montagnôl. O gjoldevin di mats"
gjavât fûr di "Tal Cuar" di Lucio Perès
mat adi., s.m.
Stramp
sinonims
estrôs, matucel, maturli, strambel, stramp, stravagant
esemplis
"une lûs zale, cjalde come l'aur, che e lave a dissegnâ schiribiçs e formis matis su lis colonis, sui mûrs, su lis musis de int"
gjavât fûr di "Il pignarûl" di Pieri Menis
mat adi.
Che nol è stabil, che no si rive a capî, a previodi, a individuâ e v.i.
sinonims
balarin, maturli, morbit, strambel, stramp
esemplis
"no si capìs ben… e je une lûs mate che e cambie colôr, che e somee saltâ di ca e di là tra lis ramascjis di pôi"
gjavât fûr di "Cirî gnot" di Checo Tam
mat adi.
No vêr, no autentic
sinonims
contrafat, fals, falsificât
esemplis
"al prove a muardi cui dincj la monede di arint par viodi se e je mate"
gjavât fûr di "Come tai romançs" di Alan Brusini
"la lidrîs [di tale] si gjave di Sierade; e je une vore mare (une volte si doprave come surogât, par fâ il cafè mat)"
gjavât fûr di "Jerbis salvadiis inte cusine furlane" di Giorgio Pascoli
"e veve ancjemò intor il vistît di fieste e ator dal cuel un fîl di perlis matis"
gjavât fûr di "Prime di sere" di Carlo Sgorlon
mat adi.
Di part dal cuarp, malformade, mâl cressude o che e funzione mâl
esemplis
"cjar mate"
"ongule mate"
"passe une ore impins cu la sô gjambe mate, cuntun braç su lis spalis di mê mari che i faseve di sbacjo"
gjavât fûr di "Come tai romançs" di Alan Brusini
"il gno cûr mat, il so bati ledrôs, i mancjaments, il flât che nol torne"
gjavât fûr di "Cui sêstu?" di Laurin Zuan Nardin
mat adi.
Di plante, salvadie o lassade cressi a salvadi vie e che no da pomis buinis
esemplis
"dilunc dal cei da la aghe la jerbe mate e jere folte e grasse"
gjavât fûr di "La aghe da pît la cleve" di Dino Virgili
mat s.m.
[BF] (tecn.) Piertie che si pues movi sù e jù par aurî aghe in cierts poçs
detulis
"a cui che al cjale il so fat, no si po dâi dal mat"
"a cuinçâ la salate al vûl un mat a meti il vueli e un savi l'asêt"
"a un mat, un mat e mieç"
"ai mats e ai parons nissun no ur comande"
"al è miôr un cjaval fat che no un puieri mat"
"al sa plui un mat a cjase sô che no un savi a cjase di altris"
"bielis peraulis e cjatîfs fats a incjanin savis e mats"
"ce colpe aie la gjate se la massarie e je mate?"
"cjace che no si viôt e je cjace mate"
"cu lis bielis peraulis e i bruts fats si ingjane savis e mats"
"cui che al cjante in taule e in jet al è un mat perfet"
"cui che al è mat che si fasi leâ"
"cui che al è mat nol vuarìs mai e se al vuarìs al è fortunât assai"
"cui che al sta in fidance dai altris al pie di mat"
"cui che i da il dêt al mat, al vûl il dêt cun dut il braç"
"di carnevâl ogni mat al vâl"
"di ogni dì al ven Nadâl e di martars Carnevâl, di joibe a ven la Sense: a son ducj mats cui che le pense"
"ducj à gust di viodi mats in place ma no dai siei"
"femine pelose o mate o virtuose"
"fi sôl: o mat o lôf"
"fidance di altris, cjapiel di mat"
"i fruts e i mats a àn simpri l'agnul custodi a vuardâju"
"i mats no àn stagjon ni di Istât ni di Invier"
"il mat al bute il clap tal poç e il savi al scuen gjavâlu"
"il mont al è un ospedâl di mats"
"la femine daben e fâs la cjase, la femine mate le disfe"
"la femine savie e drece la cjase e la mate le strucje"
"la robe no sta cui mats"
"mat di piçul, om di grant"
"mat di zovin, om di grant"
"mats e fruts a puedin dî ce che a vuelin"
"mats, feminis, paron, timp e cûl fâs ce che al vûl"
"ni cun mats ni cun baraçs no bisugne impaçâsi"
"ogni mat al pâr savi cuant che al tâs"
"par cuinçâ ben il lidric al vûl: pal vueli un avâr, pal asêt un moderât e a messedâlu un mat"
"rispiet pai viei, pazience cui mats e sopuartâ lis malis lenghis"
"se la massarie e je mate, no stâ dâi la colpe a la gjate"
"sperance dai altris, cjapiel di mat"
"un mat a meti il vueli, un savi a meti l'asêt"
"un mat al fâs mateâ cent savis"
"un mat ind fâs cent"
"un solt butât vie di un mat, al è racolt di un savi"
"une ore ogni mat al lavore"
torne sù
torne sù