Tu âs cirût la peraule
bilengâl monolengâl
Tu âs cirût la peraule
asociale
torne indaûr

bilengâl

asociale adi., s.m. e f.
  • 1

    adi. asociâl Copie

    [CO] (che al palese asocialitât, che al sta lontan di chei altris e nol à un bon rapuart)
    un ragazzo asociale = un zovin asociâl
  • 2

    s.m. e f. asociâl, individualist, egoist Copie

    [CO] (cui che no si adate aes normis dal vivi sociâl)

    s.m. e f. salvadi, sierât, asociâl Copie

    (cui che nol à un caratar espansîf)
    fa difficoltà ad integrarsi, è un asociale = al fâs dificoltât a integrâsi, al è un asociâl

monolengâl

sierât adi.
(sie-rât)
Metût in posizion di no lassâ passâ
esemplis
"tal scûr o cîr di viodi se la puarte e je pardabon sierade"
gjavât fûr di "I forescj" di Alan Brusini, Gian Paolo Linda
sierât adi.
(sie-rât)
Che al è metût o tignût intun puest par jessi conservât, tignût di cont, o ancje vuardât o condanât
esemplis
"la robe si è un pôc incontoside cul stâ sierade masse tai armârs"
gjavât fûr di "Cjase di Dalban" di Maria Forte
"e jere une volte une strie che e veve une bielissime fie e le tignive sierade parsore di une toresse che no veve puartis par jentrâ"
gjavât fûr di "Blancje come la nêf" di Andreina Nicoloso Ciceri
sierât adi.
(sie-rât)
Che al ven impedît
esemplis
"e vidint il negozi disperât / e siarât ogni pas al mio dissen, / plen di rabie, e furôr, plen di velen / rissolvei di fâ l’ultin atentât"
gjavât fûr di "I, 76" di Ermes di Colorêt
sierât adi.
(sie-rât)
Che al è limitât o delimitât, che al à confins definîts o che al à alc tor ator
esemplis
"al veve volût vignî a vivi ta chê valade sierade, da pît de Mont Grande"
gjavât fûr di "Cretevierte" di Roberto Ongaro
sierât adi.
(sie-rât)
Di puest o veicul, che al à un cuviert o une cuviertidure, che al è parât
esemplis
"al passà il cjar de robe, al passà un altri e daûr, la caroce sierade cun Luisa e i siei dentri"
gjavât fûr di "La aghe da pît la cleve" di Dino Virgili
sierât s.m.
(sie-rât)
Puest o situazion li che si è dentri tun edifici, al ripâr dal soreli, de ploie e v.i.
esemplis
"intal sierât, met sù la mascarute che e taponi nâs e bocje"
gjavât fûr di "Ator pes malghis... in sigurece" di Aministrazion Publiche
sierât adi., s.m.
(sie-rât)
Di aiar, fer tune stanzie o tun ambient limitât di avonde timp, in mût di no dâ une buine sensazion a respirâlu o di no vê bon odôr
esemplis
"un odôr di sierât e di mufe di intosseâ"
gjavât fûr di "Pre Josef" di Pieri Somede dai Marcs
sierât adi.
(sie-rât)
Des viis respiratoriis, impedidis di ecès di mucositât, di iritazion, inflamazion e v.i.
sinonims
blocât, stropât
esemplis
"o ai di respirâ cu la bocje parcè che o ai il nâs sierât"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"las puemos e no sji inacuarzêr di nuio [de puce]. Biadoloro! Forsji es vevo sierât lu nâs"
gjavât fûr di "Lu dì da Temau" di Elina Faleschini
sierât adi.
(sie-rât)
Di persone o di mût di jessi o di fâ, pôc o nuie comunicatîf cun chei altris
esemplis
"i furlans a son int concrete [...]. Cualchidun al dîs che o sin sierâts, ma nol è just: chel al è un stereotip. Magari o sin plui risiervâts, ma chest nol vûl dî jessi isolâts"
gjavât fûr di "Interviste a Dino Zoff" di Christian Romanin
sierât adi.
(sie-rât)
Puartât ae sô conclusion, spec. in maniere positive
sinonims
fat, distrigât, puartât insom, finît, rivât insom
esemplis
"il procès indipendentist [catalan] scomençât cul Votcent nol è ancjemò sierât, e al à lassadis ancjemò tantis situazions di contradizion e incoerence juridiche"
gjavât fûr di "Memoriis di politiche linguistiche" di Adrian Cescje
sierât adi.
(sie-rât)
Che nol è in ativitât o che nol è viert al public
esemplis
" il vecjo [marangon] si inmalave ogni moment, e al tignive la buteghe cuasi simpri sierade"
gjavât fûr di "Prime di sere" di Carlo Sgorlon
"al veva mitût sù una fabrica di cjapiei di paia. Sierada dopo un pâr di agns"
gjavât fûr di "Zôc" di Alberto Luchini
sierât adi., s.f.
(sie-rât)
[TS] (ling.) Di vocâl, pronunziade cuntun grât di viertidure minôr rispiet a altris
esemplis
"[tal furlan standard] lis mediis lungjis a son simpri sieradis, gjavâts i plurâi des peraulis che tal singolâr a finissin cuntune toniche curte e chestis ecezions: chê, dôs (numar), e i possessîfs mê, mês, tô, tôs, sô, sôs"
gjavât fûr di "Gramatiche fonetiche furlane" di Sandri Carrozzo
detulis
"a tignî i dincj sierâts in bocje, al è simpri un bon consei"
"a tignî la bocje sierade, no jentrin lis moscjis"
"libri sierât al fâs l'om leterât"
"nol vâl tignî sierade la spine se il vin si spant pal cjalcon"
torne sù
torne sù