Tu âs cirût la peraule
bilengâl monolengâl
Tu âs cirût la peraule
assente
torne indaûr

bilengâl

assente adi., s.m. e f.
  • 1

    s.m. e f. assent Copie

    [AU] (che, cui che a nol è presint)
    gli assenti hanno sempre torto = chei assents a àn simpri tuart
    il maestro ha il dovere di segnare gli assenti sul registro di classe = il mestri al à il dovê di segnâ i assents tal regjistri di classe

    s.m. e f. trapassât Copie

    (muart)
  • 2

    adi.

    [AU] (ce che al mancje e che al varès di sei)
    in questo romanzo è assolutamente assente lo spirito = in chest romanç al mancje dal dut il spirt
    nel suo animo è assente la pietà = inte sô anime nol è dûl
  • 3

    adi. assent, vueit Copie

    [AU] (che al à i siei pinsîrs inaltrò)
    sguardo assente = cjalade vueide
    stava seduto di fronte a me, ma era come se fosse assente = al jere sentât denant di me, ma come se al fos assent

monolengâl

vueit adi.
Cence contignût, cence nuie dentri o parsore
esemplis
"«Ah, ce bon!... ce bon chest vin... » e ti bute vie la butilie vueide che si spache cuintri une lapide pôc lontan"
gjavât fûr di "Doi pizighets e un lari" di Alan Brusini
"la casse e dave un sun çondar di robe vueide"
gjavât fûr di "La cjase dal Murat" di Maria Forte
"e va tal armâr a cjoli la padiele di tiere dal cicin. Le cjol e e sint che no pese. I alce la covertorie e e je vueide"
gjavât fûr di "Il cicin" di Meni Ucel
Viôt ancje: vuêt
vueit adi.
Cence personis
esemplis
"al tornà indaûr e al le dentri in glesie. E jere vueide e scure"
gjavât fûr di "Prime di sere" di Carlo Sgorlon
"al ere di pouc començât il dopumisdì e lis stradis a erin cuasi vueidis"
gjavât fûr di "Kebar krossè" di Stiefin Morat
"in paîs a 'nd jere plui di cualchi cjase vueide, che i parons di agnorums a jerin migrants, cuissà indulà"
gjavât fûr di "Trê feminis" di Gianni Gregoricchio
vueit adi.
Di puest, spazi e sim., che al è viert e libar
sinonims
libar
esemplis
"a son dismontâts ducj i doi e si son metûts a cuistionâ in chel toc di strade che e restave vueide tra il cjar e l'automobil"
gjavât fûr di "Lis predicjis dal muini" di Josef Marchet
vueit adi.
Cence robis di fâ o cence robis interessantis
esemplis
"par tant che al procuràs di concentrâsi, tes oris vueidis de mieze matine o dal dopomisdì sul tart, nol rivave a lei"
gjavât fûr di "Tal ospedâl" di Amedeo Giacomini
"Guri si sgrisulave de sô zornade vueide, cence une vôs che e cjanti, cence un fat che al cjapi un moment il pinsîr fissât"
gjavât fûr di "La aghe da pît la cleve" di Dino Virgili
"Nart al veve passât i cuarante e la sô vite e jere vueide e grise tant che une zornade di Invier"
gjavât fûr di "Cretevierte" di Roberto Ongaro
vueit adi.
Cence sens, cence contignûts di significât, cence impuartance e cence consecuencis (fig.)
esemplis
"lis argomentazions che a tirin fûr a son vueidis di ogni sostance"
gjavât fûr di "Sturm und Drang" di Josef Marchet
"i ai fevelât di cemût che o viodìn noaltris de Aidlcm la tutele, di ce che e à di contignî se no si vûl che e sedi une peraule vueide"
gjavât fûr di "Memoriis di politiche linguistiche" di Adrian Cescje
vueit adi.
Di cdn. o di espression, che nol somee pensâ o che nol pense nuie, che nol à snait, gnerf, o interès
sinonims
çondar, insuls, lami, mauc, biât
esemplis
"Guri cul cjâf su la scudiele al finive di cenâ e chê sô muse cence sens, vueide, cui voi distudâts, e veve la muart tal aiar"
gjavât fûr di "La aghe da pît la cleve" di Dino Virgili
"siôr Ernest, il fi, al fumave pacjific, cui voi pierdûts daûr i cerclis dal fum. Une cjaladure vueide dulà che no podevin comparî pinsîrs ni bogns ni triscj"
gjavât fûr di "La tiere di Lansing" di Maria Forte
vueit s.m.
[TS] (fis.) Dome sing., spazi e cundizion dal spazi cence materie o cun gas une vore rarefats
esemplis
"il prin che al à sperimentât il vueit cun sucès al è stât Evangelista Torricelli inte metât dal XV secul in maniere une vore semplice, ven a stâi cul stes moviment che si fâs cu la clessidre"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
vueit s.m.
[TS] (filos.) Dome sing., te filosofie atomistiche, spazi cence materie postulât par motivâ il moviment dai atoms
esemplis
"i mîts de antichitât nus contin une storie dal mont terestri dulà che nol è puest pal vueit, intindût come vueit assolût o il nuie"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
vueit s.m.
Spazi libar, cence personis o ancje cence bestiis o robis
esemplis
"lis mês peraulis si slargjin tal vueit dal locâl"
gjavât fûr di "I forescj" di Alan Brusini, Gian Paolo Linda
"dal vueit dal tor [...] al vignive jù a colp [...] un ciulâ di argagns che a movevin il martiel des oris"
gjavât fûr di "La rive di Sant Pieri" di Maria Forte
"sui mûrs e tra il vueit dai portons, si implantin frascjis e ogni borc al si cambie in un biel stradâl di vert"
gjavât fûr di "Corpus Domini" di Pieri Somede dai Marcs
vueit s.m.
Estension di tiere cence culturis e cence arbui
esemplis
"la int che a lavoravin li dongje a lassarin dut impastanât e a scjavaçarin cjamps e vueits e palûts e si inzenoglarin sul agâr cu lis mans par aiar"
gjavât fûr di "Cuel Valâr" di Dino Virgili
vueit s.m.
Incompletece intune situazion, intune competence, intun argoment, intun test e v.i. (fig.)
sinonims
mancjance, buse
esemplis
"oltri a jemplâ un vueit, cheste vore [Storie de art in Friûl] puedie judâ i furlans a jessi cussients de lôr identitât?"
gjavât fûr di "O ai scrit pal gno popul" di Erika Adami
"i vueits inte legjislazion a permetin aes autoritâts locâls di slontanâ a fuarce lis comunitâts rom dai lûcs là che a vivin par trasferîju in alozaments fûr man"
gjavât fûr di "Romanie: slontanaments sfuarçâts di rom" di Carli Pup
vueit s.m.
Mancjance di alc o di cdn. (fig.)
sinonims
mancjance
esemplis
"cumò che [mê mari] no je vicin di me o sai cetant vueit che e à lassât te mê vite"
gjavât fûr di "Agnulat" di Pieri Menis
vueit s.m.
Recipient, spec. butilie o sim., cence il so contignût
esemplis
"riciclâ i vueits de aghe minerâl"
vueit s.m.
[TS] (tipogr.) Spazi blanc tra lis peraulis, cence letaris o simbui
sinonims
spazi
esemplis
"contis che a zirin ator des 2000 batudis, comprendûts i vueits"
gjavât fûr di "CONTECURTE stagjon 2011-2012" di Raffaele Serafini
detulis
"il cjaldîr che al ciule al è chel vueit"
"l'om al cjante cuant che al è plen e la bote cuant che e je vueide"
"la canicule se e cjate vueits i agârs ju implene, se ju cjate plens ju disvuede"
"miôr un cjâf vueit che no mâl jemplât"
"panze plene no i crôt a panze vueide"
"stale plene e cjast plen, stale vueide e cjast vueit"
"un sac vueit nol sta in pîts"
torne sù
torne sù