Tu âs cirût la peraule
bilengâl monolengâl
Tu âs cirût la peraule
astrattista
torne indaûr

bilengâl

astrattista adi., s.m. e f.
  • 1

    s.m. e f. astrat, astratist Copie

    [TS] art (che al va daûr dal astratisim)
  • 2

    s.m. e f. astratist Copie

    [TS] filos. (cui che al pense che la speculazion e vedi di davuelzisi fûr dai fats de esperience, in forme pure)

monolengâl

astrat adi.
(as-trat)
Che al risulte di pinsîrs e concezions e no de realtât
sinonims
ideâl, imagjinari, teoric
esemplis
"fintremai cumò a son stadis tratadis scuasi nome cuistions di principi, robis astratis, leadis a une ideologjie o a chê altre"
gjavât fûr di "80 discors" di Josef Marchet
"[il discors] mi pareve plen di citazions e, di ce che o podei capî doprant ducj i ricuarts di latin che mi restavin dentri vie dal Liceu, di concets astrats"
gjavât fûr di "Un de maiorance" di Agnul di Spere
astrat adi., s.m.
(as-trat)
[TS] (art) Che, cui che al va daûr dai principis dal astratisim, dal dineament de rapresentazion artistiche de realtât
esemplis
"[Afro Basaldella] al à volût vierzisi a lis corints vitâls de culture europeane, e pe piture in particolâr la scuvierte dal Picasso de Guernica e dal post cubisim di Klee e dai astrats"
gjavât fûr di "Storie de art in Friûl" di Bepi Agostinis
astrat adi.
(as-trat)
[TS] (ling.) Di sostantîf, che al definìs une nozion o un concet, no une robe concrete
astrat s.m.
(as-trat)
Risultât di une astrazion, di un procediment mentâl che al isole un concet
sinonims
astrazion
esemplis
"ur ai domandât che a fasedin un astrat de mê propueste, che le modifichedin li che a crodin di modificâle e di caraterizâle, ma in coerence cui principis dal document de Comission"
gjavât fûr di "Memoriis di politiche linguistiche" di Adrian Cescje
torne sù
torne sù