Hai cercato la parola
bilingue monolingue
Hai cercato la parola
atro
Torna indietro

bilingue

atro
  • 1

    adi. scûr, nereôs Copia

    [LE] (di colôr dongje dal neri)
    le atre profondità dell'inferno = lis profonditâts nereosis dal infier

    adi. scûr, nereôs Copia

    (une vore negatîf, signestri)

monolingue

scûr adi.
Di colôr che al tire sul neri o che al è cjariât, mancul clâr rispiet a altris ats di colôr
sinonimi
flusc, fluscât, fosc, fumul, fuscât, suturni, torvit, turbit
esempi
"Dorine e veve intorsi une cotule blu scûr"
da "Chei di Muraie" di Pieri Menis
"chel vert scûr dai ciprès, che a pichin sù chi è là pes clevis e tal mieç des ruvîs dal santuari"
da "Viaç aes origjins dal Logos" di Adrian Cescje
scûr adi.
Cun pocje lûs
esempi
"la Stele, cuiete tal so cjanton scûr, e moveve i siei voi tonts e e parave jù il fen a bocjadis"
da "La tiere di Lansing" di Maria Forte
"prin di lâ jù pal bosc scûr di cjastinârs si sin fermâts a spietâ il glon di cualchi cjampane"
da "Il cuader de none" di Pieri Menis
scûr adi.
Di sun, profont, grâf
esempi
"vôs scure di femine anziane"
da "Come tai romançs" di Alan Brusini
"vôs disperade, scure e cuasi simpri stonade"
da "La maree nere" di Checo Tam
scûr adi.
Che al pant pôre, marum, asse, conturbie o altris umôrs, sensazions o sintiments calcolâts negatîfs (fig.)
esempi
""Nuie… O ai fat il zîr di ducj i mulins des roiis [cence cjatâ farine]! là sù di Fiôr a S. Bernart, là sù di Fostar a Cjavalì, pardut… - dissal Guri cu la muse scure"
da "La aghe da pît la cleve" di Dino Virgili
scûr adi.
Caraterizât di misteri, inciertece o ancje di alc di negatîf o platât (fig.)
esempi
"o dismetevi di colp di jessi il frut lusorôs, tirât sù tal bombâs, fabricant intor di lui une clime di serenitât aiarose, par jentrâ intun teritori scûr e proibît"
da "Il dolfin" di Carlo Sgorlon
"e veve un sintî a mût so,… scûr, che nol lassave mai sigûrs"
da "Cjase di Dalban" di Maria Forte
scûr adi.
Brut, caraterizât di situazions negativis (fig.)
sinonimi
brut, neri
esempi
"tun dai moments plui scûrs pe identitât de Scozie, segnade inmò dal pês de repression metude in at dopo des rivoltis jacobitis, Burns al à savût tignî impiât il sium di une Scozie libare"
da "Teritoris - Oms di Libertât" di Carli Pup
scûr adi.
Caraterizât de decjadence e ignorance (fig.)
esempi
"al sarès un disastri se la sience e fos acessibile dome a cui che al fevele ciertis lenghis, inglês o altri: un tornâ indaûr a timps scûrs che a àn fat dam no dome aes cognossincis ma a dutis lis libertâts principâls des personis"
da "Interviste a Mauro Ferrari" di Carli Morandin
scûr s.m.
Mancjance di lûs
esempi
"al sune l'alarme [...] si distude ogni lusôr, [...] dut un scûr dulintor e planc planchin il sunsûr dai bombardîrs che si tire incà"
da "Storie di Min" di Ivano Urli
"i mi svei co l'è scûr, i prepari il cafè / e po fadias osteadas fintant che al ven not"
da "Taresia di Val Vezil" di Giorgio Ferigo
scûr s.m.
Ce che nol è cognossût, che al è dismenteât, che al è dificil o impussibil di capî, situazion di no savê o di misteri (fig.)
sinonimi
misteri
esempi
"cualchidun al jere blocât di une sudizion antighe, che forsit no jere nassude cun lôr, ma e vignive di plui lontan, si pierdeve tal scûr dai secui"
da "Il dolfin" di Carlo Sgorlon
"o cognossês il gno segret e il parcè dal gno cidin che us faseve bacilâ. O cognossês il scûr dal gno vivi e mi perdonais…"
da "La tiere di Lansing" di Maria Forte
scûr s.m.
Ce che al è negatîf, indreçât in cualchi mût al mâl o caraterizât di cundizions negativis o di efiets negatîfs (fig.)
esempi
"la sô muse si compagnà a chel scûr che al veve dentri"
da "La tiere di Lansing" di Maria Forte
"ma parcè il cjalâ lusorôs di lôr fi ju jemplavial di scûr ta la anime?"
da "La aghe da pît la cleve" di Dino Virgili
"indulà isal chest scûr? Scûr al è in Spagne, in Portugal, in cualchi republicute da la Americhe meridionâl, dulà che centralisim e ditature si dan la man"
da "Trê salts tal scûr: costituzion - republiche - autonomie" di Josef Marchet
proverbi
"a scûr dutis lis ocjis a son neris"
"clâr a matutin, scûr tal stali; scûr a matutin, clâr tal stali"
"cuant che al è scûr, e je gnot"
"cuant che e je scure la buse di Pinçan, e ven la ploie, co e je clare al ven bon timp"
"cui che di gjat al nas al cjape surîs a scûr"
"cui che nol à lusôr che al ledi a durmî a scûr"
"miôr lâ a durmî cuntun mocul che no a scûr"
"miôr un bocon di lum che no lâ a durmî a scûr"
"Sant Pauli scûr, dal Invier no sin fûr"
"Sant Pauli scûr, forment sigûr"
"scure la marine: mangje, bêf e sta in cusine; clare la montagne: bêf e va in campagne"
Torna in Cima
Torna in Cima